每個人都有個價，呢句說話就聽得多，咁你又知唔知自己咩價？ BBC 近日就開放咗個估價平台，俾大家計下自己咩價，特別嘅喺，呢個平台並唔係根據能力，生活水平等難以量度嘅單位估價，而喺用器官，元素呢類可量度嘅單位嚟估價，係咪好特別呢，大家終於可以理直氣壯咁話俾人知自己咩價啦！
進入呢個網址 http://www.bbc.com/earth/story/the-making-of-me-and-you 後，大家只需要輸入岀生日期，性別，身高同體重就可以估價。喺第一部分，報告會顯示你身體嘅元素重量，並根據現時市價去計算總價值，元素包括氧氣，二氧化碳，氮等，最後得岀總價值，而呢個價就係你嘅「身價」啦！
而第二部分就喺身體細胞重量嘅計算，包括皮膚細胞，血液細胞，器官細胞，仲有最重要嘅脂肪細胞，有咗呢個表，大家終於可以講句：「我唔喺多脂肪，我只喺多細胞！」。
第三部分則喺不同器官嘅重量及體積，包括肌肉，腦，眼睛等，最搞笑喺連靈魂都有重量。
第四部分就係各身體部位嘅成長速度，如身陳代謝嘅速度，頭髮嘅生長速度，指甲嘅生長速度等，仲可以計埋心跳添，報告仲話乜都唔做都減到肥，真係唔講唔知！
最後一部分喺小總結，方便大家 share 俾朋友仔睇。
BBC 仲提供咗唔少名人嘅身價，如 Bill Gates 值$1,956， Justin Bieber 值$1,926，唔知大家嘅身價高唔高得過佢哋呢？不過呢啲都只係參考，千祈唔好當咗醫療報告啊！
