唔睇無話題

6間良心小店月餅推介 傳統月、奶黃月一樣玩出新花款

single image

如果你仲以為月餅來來去去仲係得美心、東海堂、聖安娜呢啲舖頭有得買,咁你就大錯特錯啦!今個中秋節想同家人朋友食住月餅傾吓計嘅話,不妨幫襯吓良心小店,以下為大家整理咗6間可以買到傳統月餅,以及近年大熱嘅流心奶黃月餅嘅舖頭,即刻睇吓有咩揀!

一:19mess
19mess店主親自製作月餅,由買蓮子到浸泡蓮子,將蓮子煮成蓮蓉嘅工序全部由店主親自出馬。月餅禮盒$248一盒5個,包括有三個自家製白蓮蓉口味、兩個抹茶白蓮蓉口味,每個月餅當中也有鹹蛋黃。店主用咗芥花籽油及北海道甜菜頭糖,所以味道比較清香,減低傳統月餅嘅油膩感。有興趣嘅朋友可以去19mess搵店主,預計九月頭開始交收,如果想早啲食到月餅嘅朋友都可以同店主商量吓交收時間㗎!

二:生隆餅家
Sang_lung_barkey喺位於深水埗嘅懷舊餅家,平時都有賣芝麻餅、光酥餅、砵仔糕、紅豆糕呢啲懷舊唐餅糕點,每日新鮮出爐。月餅款式都有好多種㗎,包括金華火腿月餅、伍仁月餅、四黃黃蓮蓉月餅、雙黃白蓮蓉月餅、單黃紅豆沙月餅、雙黃綠豆蓉月餅等,而家已經可以親自去舖頭預訂!望住咁多唔同口味知道大家有選擇困難症,如果想要試晒唔同口味,都可以散買㗎,咁多款式啱晒鍾意傳統口味嘅朋友啦!

三:華爾登餅店
wahyeetang1984推出嘅月餅非常有特色,月餅嘅餅皮上印有大家都好有共鳴嘅說話,將呢啲月餅送俾自己友,對方一定感受到你嘅心意。傳統蛋黃月餅、綠茶豆沙蛋黃月餅每個只喺$38,大王豬西西奶黃月餅、江門鬼鬼月餅就$40 1個,無論送俾朋友定自己食都啱啊!

四:四喜麵包西餅
sayhey4cake最新推出嘅花生醬奶黃月餅一盒四個,在「同人辦館」買仲有九折優惠只需要$110。佢哋嘅月餅用咗台灣新竹福源花生醬,呢款花生醬全手工製造無落防腐劑,仍然保持到花生醬應有嘅口感同味道。花生醬同奶黃嘅鹹香味互相配合,鍾意食花生醬嘅朋友唔好錯過啦!

五:Circle Bakery
circlebakery.cindy推出奶黃月餅預訂計劃,即日起大家可以whatsapp店主落單,八月中至九月尾都可以拎到月餅。今次預訂計劃包括兔兔流心奶黃($188)、兔兔金沙奶黃($168)、Pepe+連豬流心奶黃($188)、Pepe+連豬金沙奶黃( $168),月餅嘅造型非常可愛,切開月餅嘅時候奶黃慢慢流出嚟,好治癒㗎!

  

六:享樂烘焙
享樂烘焙嘅Bagel及手作麵包一直深受歡迎,最近佢哋亦都推出一盒六個嘅手工奶黃月餅禮盒,$214就買到啦!之前嘅早鳥預購優惠已經全部賣出,預計八月尾會喺門市提供現貨,亦會不定期推出散裝月餅,有興趣嘅朋友記得留意佢哋ig啦!

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More