如果大家已經食厭咗傳統月餅嘅味道,今個中秋節想搞搞新意思,不妨試吓一啲特別口味嘅月餅,話唔定可以改變你對月餅嘅諗法,即刻睇吓有咩揀,買嚟同家人朋友分享啦!
一:花果山
鍾意食榴槤嘅朋友唔好錯過呢款榴槤冰皮月餅啦!今年Mount.fruity繼續推出馬來西亞直送貓山王月餅,一盒四個優惠價只需$348 ,即日起預訂仲會送$50「花果山」現金券用嚟買嘢飲,呢款月餅加入100%貓山王果肉,鍾意榴槤嘅朋友一定滿意啊!
二:Sogno Gelato
Gelato可能大家就食得多,但Gelato月餅大家又試過未呢?食開雪糕月餅嘅朋友,今年不妨試吓用意式雪糕製成嘅月餅,Sogno_Gelato_hk推出四款口味包括榴槤雲呢拿、開心果雲呢拿、士多啤梨白朱古力,同埋宇治金時,每個只係$68咋,買滿$200仲會送雪袋,等你帶返屋企同家人朋友一齊分享。
三: Portlanders
Coolportlanders推出嘅「毋忘初心月餅」由即日起至8月31號都有早鳥優惠,只需要$198就可以試到四種口味嘅月餅,分別有伯爵茶、陳皮紅豆、宇治抹茶同埋咖啡味。全部月餅都係香港本地新鮮製造,並無添加任何防腐劑,所以室溫下只可以保存三日,如果想放耐啲嘅話放入雪櫃就可以保存兩星期。9月1日起就會照返原價$238發售,趁仲有優惠快啲㩒Link訂購啦!
四:Flourishes HK Bakery
Flourisheshk嘅牡丹花蛋黃月餅全人手製造,內餡用上無油韓國荳蓉及原隻漏油蛋黃,外皮利用韓式裱花技術,做出一朵朵獨一無二嘅牡丹花月餅,靚到「嘩」出聲,送俾朋友一定好驚喜啊!一盒四件手工月餅禮盒裝$408,限量發售只賣一百盒咋!
五:香菜先生香港
聽到芫荽唔知你有咩諗法呢?Mr.coriander.hk 推出嘅芫荽月餅無論係餅皮定係內餡都加入咗芫荽,食月餅嘅時候你嘅味蕾每一刻都被芫荽包圍,餅皮更帶有香脆牛油曲奇嘅口感非常特別。即日起至8月31號一盒四件月餅優惠價只需$228,呢款月餅同樣無加入任何防腐劑,如果三日內食唔晒嘅話,記得放入雪櫃啦!
好多間月餅嘅早鳥優惠都係做到月底咋,趁仲有幾日時間, Share埋俾朋友一齊買啦!