唔知細個玩開Mario嘅各位係咪同小編都有同一個心願,就係可以揸到實體嘅Mario Kart。依家俾我哋等到,可以喺屋企玩遙控Mario Kart,嚟頭搖又尾擺、飄移境界喇!任天堂啱啱宣布,嚟緊10月16日將會發售Nintendo Switch Mario Kart Live: Home Circuit,今日起接受預訂!
Mario Kart Live Home Circuit(瑪利歐賽車實況:家庭賽車場)分別有Mario同Luigi兩個版本,入面包括一部設有內置鏡頭嘅賽車同4個閘門等等,可以進行最多4人對戰,售價為 99.99 美元(約港幣 $780)。根據中文官網表示,凡預訂或購買,有機會獲贈早期購入特典「展示收納盒」一個。
只要將賽車同你部Switch連好,再放4個閘門喺你屋企地下,用賽車行駛1圈,佢行過嘅軌跡就會變成賽道,任你定!
遊戲主要以實體加AR模式進行,遊戲入面發生啲咩都會喺架遙控賽車度表現出嚟,例如食咗紅色菇菇就會加速,俾食人花攻擊或碌過蕉皮就會停低,實感up!
依家預訂或購買,仲有機會獲贈展示收納盒一個。
去片睇下set嘢有幾堅先!
另外今次慶祝Super Mario Bros. 35周年,任天堂會出埋Super Mario 3D All-Stars,將Super Mario 64、Super Mario Sunshine、Super Mario Galaxy一次過收錄哂放喺Switch入面,預定9月18日發售。任天堂除咗執過遊戲順暢度之外,解析度都比原版更高添~入面仲收錄埋原聲帶,等大家可以聽返175首Super Mario經典背景音樂懷愐下。
小編迫不及待要執定屋玩玩了!有興趣去官網睇下啦~