平時出去餐廳食個高質嘅漢堡包一啲都唔平,今次為大家推介一間位於青衣嘅漢堡包外賣小店「鬍鬚仔」,漢堡款式非常多,仲有熱狗可以揀。就算係平日都要排隊,非常受歡迎㗎!
今次小編就試咗加勒比海牛堡,用上紐西蘭手打漢堡、生菜、蕃茄、菠蘿同埋煙肉車打芝士片,非常足料,食完好飽㗎!加入菠蘿中和牛肉同埋芝士嘅油膩感,整體感覺更加Fresh罪惡感都少啲啦!
想食得更加滿足嘅朋友,仲可以加配套餐,加$16就可以有薯條、洋蔥圈或者蒜蓉包,加$19就會有炸芝士條、雞翼或者雞軟骨,仲可以揀埋嘢飲或者餐湯添!所有炸物都係即叫即炸熱辣辣,大家記得耐心等候啊!
想知道更多高質食店,記得留意我哋之後嘅介紹啦!<按此查看更多詳情>
地址:青衣担杆山路6號長發廣場青衣市場地下2號舖