平時做嘢咁辛苦，放假想遠離繁囂Chill吓嘅話，不妨去梅窩感受慢活嘅生活節奏。今次推介一間位於梅窩碼頭附近嘅動物友善餐廳，大家可以一邊吹住海風，一邊品嚐美食，環境一流之餘食物都好有驚喜㗎！
The Kitchen的Pizza新鮮製作，批底薄脆口感特別。今次我哋嗌咗margarita pizza(small size$128)，兩個人Share都好飽，Large size 直徑約60cm，真係要約多幾個朋友一齊Share先食得晒啊！
Mushroom Pesto($108)係手製嘅闊條意粉，令醬汁嘅味道更加能夠融入意粉，每啖都充滿橄欖油嘅香味。除咗意粉之外，菇都好有驚喜，鍾意食菇嘅朋友一定要試吓！
餐廳位置背山面海，天氣好嘅話吹住海風望住無敵大海景，帶埋寵物一齊Chill住過一個下午，真係人生一大享受。有充足時間嘅朋友，都可以係梅窩過一晚，預先打電話比食店叫定外賣，拎返酒店慢慢歎Pizza。<按此查看更多詳情>
地址：大嶼山梅窩碼頭路18A卓濤軒地下1號舖
