有時候想獎勵吓貓貓狗狗,不妨買啲健康無添加嘅零食比佢哋,寵物食得開心之餘,又唔會為佢哋嘅身體帶嚟負擔。今次為大家介紹一間本地手工製作嘅寵物零食網店,每件產品都係店主親手製作而成,即刻睇吓有咩特別啦!
網店 Maowewe 推出多款適合貓狗嘅小零食,店主更親自設計出獨一無二嘅零食款式,例如芝士雞肉卷、小Pizza、甜甜圈、曲奇等,零食嘅顏色非常豐富,無論係比自己嘅寵物食,定係送俾其他人都一樣咁吸引。
店主仲會仔細列明每款產品嘅重量、材料及營養成份,無任何添加劑、防腐劑,全部產品新鮮製造,有興趣買嘅朋友記得早少少預訂啦!而家買滿$300,仲包傘兵自取點取貨,坐定定喺屋企都可以買零食比貓貓狗狗歎啦!
嚟緊9月26至27號,Maowewe仲會喺荔枝角D2 Place二期地下嘅「白紙市集」擺檔,大家可以帶埋寵物過去睇吓,由你嘅貓貓狗狗親自試食,好唔好食佢哋一試就知啦!