疫情下冇得去旅行,留係係香港真係好悶? 今次就等小編為大家推薦一個香港好去處啦!
日本人氣遊戲機中心Namco又開分店啦!作為第九間分店,今次選址落於九龍灣德福廣場,全場接近9000呎,於9月11日正式開幕!新店以「運動」為主題,啱晒一家大細來放電!為咗慶祝新店開幕更會發售限量版景品「Ultraman Series Vol.1 & 2」! 係咪好吸引呢?即刻睇下入面有咩玩!
店內有多部夾公仔機及運動主題的遊戲機,除了必備的籃球機外,更設有拳擊遊戲機等等,簡直係包羅萬有!
德福廣場店亦設有多款夾公仔機!每部機都有不同難度的新玩法,滿足晒鍾意夾公仔嘅你!
唔鍾意夾公仔嘅都仲有好多野玩架!包括擲彩虹、氣墊球等,啱晒一家大細!
10月更會推出「Sportainment Arena」。到時會有9個運動園區,結合運動、娛樂與科技元素。如果你鍾意球類對戰及反應力等等嘅遊戲嘅話就要留意下啦!
地址:九龍灣德福廣場2期5樓501A舖
營業時間:11am – 10pm
官網:http://namco.com.hk/
資料來源:NAMCO