疫情之下，相信各位香港人都食咗幾個月外賣，真係辛苦晒大家啦，為咗慰勞大家抗疫嘅努力，等小編推介三間推岀超豪華外賣套餐嘅食店俾大家啦，質素同高級餐廳不相上下嫁，偶爾食餐好嘅獎勵自己！
Ritz Carlton
如果大家想假日去野餐，又吾想攞咁多重嘢，就一定要試下呢間五星級酒店嘅外賣服務。除咗會外借野餐墊，野餐籃，食物，飲品，餐具外，最特別係有專人幫你揀靚位，搬曬所有野餐物資，以及舖野餐墊，真係好似去咗酒店咁啊。注意：免費送遞服務只限於西九龍苗圃公園，如果想去其他地點野餐，亦都可以選擇付費項目。
外賣食物包括煙燻三文甸抹醬，吞拿魚蛋黃醬三文治，巴馬火腿等。
經典套餐售價為 $788HKD / 二人 或 $1,488HKD / 四人。
Kenny’s Seafood
市面上有好多海鮮外賣套餐選擇，但講到要處理海鮮，可能唔係每個人都識，而Kenny’s Seafood嘅shake shake 海鮮袋套餐就預先幫大家處理好曬啲海鮮，大家只需用滾水煮熟，放落套餐提供嘅膠袋，落埋調味粉，shake shake 就搞掂啦，超方便。
海鮮袋2人set 售價為 $520HKD。
海鮮袋2人set 包括波士頓龍蝦1隻，日本元貝2隻，沙白蜆半斤，貴妃蚌2隻，大連鮑魚2隻，泰國蝦半斤。
Wagyumafia
日本過江龍店舖，主打和牛，特別推介和牛三文治，另外亦有海膽供售，值得提及的是，店舖非常細心，為保持食品質素，店舖特別設計外賣盒，可保食物温度，而且外觀非常華麗。
和牛肉汁鮮甜，配以特別外賣設計，非常華麗。
海膽亦非常新鮮。
外賣都唔一定係咁dry姐～
