再生銹既刀都有鋒利嘅一日 唔睇無話題

【iOS 14】8個實用新功能一覽 自拍唔使左右調、零騷擾來電提示、相簿加密再加密

single image

Apple正式推出iOS 14,今次雖然比以往升級新增嘅功能唔算多,但變化絕對唔細!佢將之前嘅「畫中畫」功能由限於Safari改良到全區域,又將預設瀏覽器Safari同Apple Mail信箱,開放俾第三方程式Chrome、Gmail、Outlook等等,快啲跟住小編試下啲新功能先。

1. 主頁面schedule
用開iPhone嘅小編有陣時都會羨慕Andriod有得喺手機主頁面放schedule,依家iOS升級咗都可以加天氣、股市、行事曆等等嘅工具App入面嘅資訊,再較埋App嘅大細,常用嘅嘢終於可以唔使撳入去先睇到,掂!

2. 整理APP
另外,覺得手機App太多、分咗好多頁,可以將唔常用嘅App放埋同一版,之後長撳其中一個App>編輯主畫面,就有得收埋佢喇。

3.內建離線語音
相信Google Translate係大家最常用嘅工具之一,iPhone系統今次升級仲具備埋內建離線語音、文字翻譯工具,入面包含11種語言,例如英文、普通話、日文、德文等等,不過暫時就未有廣東話了。

4.selfie自動校正
平時用iPhone前置鏡頭selfie其中一個最大嘅問題一定係,左右返轉搞到自己個樣勁怪!不過依家終於唔使怕,更新咗之後可以喺「設定>相機>前置相機鏡像翻轉>開啟」,就可以唔使影完再用App整返啱啦。

5. 零騷擾來電提示
放假用緊手機突然收到電話,打打下機被迫暫停,真係冇仇報。依家唔驚~Update咗後,iPhone會喺你解鎖後收到電話都會變成一般通知咁,喺螢幕上方彈條banner出嚟,唔怕影響你做緊嘅嘢啦。

連Siri都一樣,同佢嘅對話會精簡、縮埋喺下面,完全唔佔畫面。

6.篤背脊新玩法
iOS 14 有個篤背脊嘅新玩法添!去「設定>輔助使用>機背點按」,之後就可以分別設定篤兩下同三下可以有咩操作,包括Cap圖、較音量、鎖定螢幕等等,方便得多~

7.智能勿擾模式
用過iOS 13嘅都知道,iPhone好耐之前已經有請勿打擾嘅睡眠模式、記錄你瞓覺時間嘅功能。iOS 14依家更加升級咗!可以set埋iPhone喺瞓覺時間前幾多分鐘溫馨提示你要瞓,確認後佢就會自動進入勿擾模式,之後仲可以設定埋你用開嘅App快捷途徑,等你臨瞓前直接入去check 添!

8.隱藏相片功能
先前美國隊長唔小心post咗自己隻雀仔上網,都知道隱藏相片嘅功能有幾重要。依家iOS 14可以幫你加密再加密,喺「設定>相簿>已隱藏的相簿>關閉」,就連個相簿都可以消失得無影無蹤。

雖然iOS 14嘅新功能真係好令人心急想用,但有啲App都未趕得切支援到最新嘅iOS版本,所以各位更新前記住留意自己用開嘅App支唔支援到。

呢啲你都可能啱睇!

single image
再生銹既刀都有鋒利嘅一日 唔睇無話題

【Microsoft Word】為文件、相片加浮水印 超簡易秘技

唔講都唔知,其實Word嘅功能真係越嚟越多同埋實用,有好多隱藏技能一直以來你都未必知,但實情係非常有用,例如freelance們出去畀方案,唔想人地偷咗佢嚟用,加返個浮水印就好,唔洗用其他軟件,係Word本身就可以做到,唔單止係加文字,連圖片都得,岩晒一人公司嘅朋友仔出單嘅時候用! 設計(Design)>浮水印(Watermark) 圖片(Picture)>揀選預先準備嘅公司Logo或者你所需要嘅圖片 ...
single image
Uncategorized

【聖誕打卡位】《Globoscope》國際級光影show 登陸K11 MUSEA 附預約連結

又到聖誕,又到聖誕!今年聖誕冇得飛,難免少咗啲樂趣,約朋友打個卡都係一個好選擇!想要有外國過聖誕嘅氣氛,又點可以錯過《Globoscope》呢!佢係由法國Collectif Coin創作,仲係全球三大光影節日之一嘅法國里昂燈火節亮相,絕對係打卡好地方。 《Globoscope》將會喺K11 ...
single image
再生銹既刀都有鋒利嘅一日 唔睇無話題

【Photoshop】照片怎樣加白邊? 輕鬆5步完成 PS秘技

仲記得以前去曬相個陣,為咗曬出嚟好似即影即有嘅相紙咁,都會同老闆講加白邊。到而家仲邊有人會曬相,但同樣去到社交平台,想個排版靚啲,習慣都會加返個白邊,睇落整齊劃一,但要做到四邊嘅白邊均等,又或者要隨意去控制個白邊嘅位置,就咁用手機整都真係整到手都殘,教你用photoshop輕鬆幾個步驟就可以幫張相加白邊! 第一步:開張相出嚟。 第二步:影像(Image ...
single image
再生銹既刀都有鋒利嘅一日 搞掂檔

【免費素材】Iconfinder開放疫情素材庫 超過300個Icon任用 只係洗手已有44個

成年都喺疫情下生活,連做開設計嘅都離不開疫情,周街都見到提你戴口罩、洗手嘅告示或海報。最近外國新出咗個圖庫專放同疫情、病毒有關嘅icon,足足有成300個公仔任你用,快啲download定以便不時之需! Iconfinder依家開放咗疫情素材庫,有盡唔同風格公仔,淨係洗手已經分別有兩set 共44個,總有一款啱你用! ...
single image
唔睇無話題 體能錢能轉換器

鬼滅之刃限定店內容搶先睇 1:1鬼殺隊九柱打卡牆、過百款人氣官方精品

日本人氣漫畫《鬼滅之刃》嘅魔力唔可以睇小,戲院幾乎買唔到鬼滅以外嘅戲飛。適逢鬼滅熱潮,官方宣布全港首間鬼滅之刃期間限定店將會喺今個禮拜登陸尖沙咀K11,除咗有多款人氣精品,仲有多個影相打卡位,各位鬼滅之迷一定唔可以錯過! 全港首間官方授權《鬼滅之刃》期間限定店 開放日期: ...
single image
醫飽個肚

【純素蛋糕 】精選3間高質無麩質甜點店 蛋糕、水果撻、曲奇、馬卡龍應有盡有

蛋糕都可以唔用麵粉,唔用奶類製品整到?無錯啦,就係純素蛋糕!係以純素食材來代替所有動物來源的材料,所以無麩質蛋糕係不含雞蛋牛奶,全素食者亦可食用。純素蛋糕一樣可以整得高雅,亦都岩曬又想食甜品又想食得健康啲嘅大家。有興趣不妨一試以下幾間純素甜點店! The Vege ...
single image
Uncategorized

【Glamping】長洲隱世農莊 透明圓拱屋、印第安營、觀星圓拱營樣樣齊

依家放假除咗去酒店staycation之外,去Glamping露營都係一個幾好嘅選擇嚟架! 依家長洲西園農莊推出全新露營區「星海之森」,大家可以喺透明圓拱屋入面睇星星!好似去咗北極咁!營帳約有300平方呎,設一張雙人床及一張雙人梳化床,最多可容納4人。仲有觀星落地天幕、冷氣、營內獨立沐浴間等設備,簡直就係豪華版camping! 長洲西園農莊仲有其他特色營區架,每種營有唔同大小及設備,大家可因應需要及人數而選擇。 ...
Load More