前排小鬼黃鴻升不幸離世,佢係筆者童年偶像,細細個晚晚返屋企都追佢嘅節目睇,突然離世嘅消息真係覺得好可惜,有時連自己都未準備好,就離開。遺憾太多,要做嘅係點可以減少啲遺憾呢,睇完Fredrik Backman嘅書,可能畀到啲答案你。
https://fredrikbackmanbooks.com/fredrik-backman-about.html
Fredrik Backman係瑞典超人氣嘅blogger同專欄作家,一出事基本上就佔領榜單頭幾名。佢嘅厲害之處係用一個溫馨嘅小故事,令你有所反思,小說內容嘅主角都能投射到身邊每一個人,絕對要推介Fredrik Backman必讀嘅三本書!
1. 明天別再來敲門
https://fredrikbackmanbooks.com/books/fredrik-backman-a-man-called-ove.html
書中主角有各種際遇,例如職場霸凌、商家強制拆遷等,有一日佢終於受夠,想結束生命,但有一個人每一日都會敲主角屋企嘅門,慢慢重新建立生命嘅意義。主角遇到嘅事同現實好似,每一件事都將佢狠狠擊倒,但生命中有好多我哋睇唔到嘅小細節,可能就成為你另一種生存嘅意義。呢本書初初係要畀啲耐性睇,但後來每個章節都會畀啲驚喜你。
2. 清單Hold不住的人生
https://fredrikbackmanbooks.com/books/fredrik-backman-britt-marie-was-here.html
主角布蕾瑪莉係一個做事極有條理,用一張list去實行生命中嘅每分每秒,看似井井有條又以家庭為重嘅佢,竟然發現丈夫出軌,受到衝擊嘅佢就決家解開枷鎖,離家出走,享受每分每秒嘅不確定。我哋身邊都好似主角咁有張list,可能係工作、可能係家庭,一直鎖係入面,唔想亦唔願意離開,其實好似主角咁樣,可以發現更多人生更多可能性,重新去檢視我哋人生嘅進程。
3. 每天,回家的路就更漫長
https://fredrikbackmanbooks.com/books/fredrik-backman-and-every-morning.html
呢本書結合咗2篇短篇小說——《每天,回家的路就更漫長》同《用一生來換》2篇都著重於親情。《每天,回家的路就更漫長》爺爺患上阿茲海默症記憶都慢慢消去,和諾亞如何共渡最後記憶中嘅時光,係呢段時間去學識點樣放手說再見。《用一生來換》講父子之間2人各自目標同性格完全不一樣,多年再見去引伸嘅故事。呢本書真係用咗我唔少紙巾,去了角色之間嘅感情之後,真係好似睇劇咁為佢地而心痛,好反思到自己同家人之間嘅關係。
呢3本書無論實體定電子書都有,每日冇嘢做令出嚟睇下,絕對會有收穫!