踏入10月開始感覺到一絲絲涼意，筆者向來一轉季無論皮膚定頭皮就會敏感，成日都覺得好痕，有頭皮已經係年經，啲朋友見到我一出頭皮，就知道肯定要轉季。經過多年嘅嘗試，從生活習慣改善，頭皮敏感嘅情況已經穩定好多。如果你有同筆者一樣嘅煩惱，不妨試下由生活做起。
1. 戒辣
飲食習慣唔止頭皮，同皮膚都有大關係。喜歡食辣、油膩嘅朋友，真係要少食啲甚至唔食，1個月就會感覺到頭皮冇易痕。
2.適當減壓
生活習慣都唔少得，雖然做呢行都身不由己，充足睡眠同要適當減壓，令頭皮唔好保持一個高壓狀態。
3.洗頭頻率
唔好以為洗頭洗得多，就乾淨啲冇咁易敏感，岩岩相反嘅係頭皮太乾唔夠油就會自己生成多啲油出嚟保護，係一個惡性循環，2日一次，或者保持1日一次，適量就夠！
4.洗頭習慣
平時洗頭髮習慣，慣咗直接倒起頭髮上面起泡？最正確要先倒係手上起泡，再輕輕用指腹按摩頭皮，太大力去抓頭皮只會傷害頭皮健康。洗頭嘅水溫都要用溫水，切記係溫水，太凍太熱都對頭皮太刺激。
以上都係預防頭皮敏感從生活可以做嘅小事，記得太嚴重的話一定要去求醫，正所謂「病向淺中醫」！
