燃點蠟燭可以令成間房香噴噴,更加可以營造浪漫嘅氣氛同埋幫助放鬆心情。啱晒精神緊張嘅香港人!係屋企或者公司擺放香氛蠟燭,可以由淡淡的香味提升空間質感,擺係枱上面或用嚟打卡都超靚! 係森系文青必備單品!
係香港都有唔少小店推出手作蠟燭架!仲有好多唔同花款添,總有一款啱你心意!以下將會介紹三間IG shop,佢哋每一間都有自己嘅風格,可以等大家可以參考下!
呢間鋪頭主打蛋糕款手作蠟燭,個個都好似真嘅咁! 方便大家攞出街同朋友慶祝生日,又唔怕會溶,仲香噴添~而且全部款都可以customized,大家可以按照自己嘅心水去訂做屬於自己嘅蠟燭!
第二間想介紹嘅鋪頭比較特別,就咁睇係咪以為佢地真係一棵植物呢? 其實佢地都係蠟嚟㗎! 呢間鋪頭主打仙人掌同多肉植物款的蠟燭,就咁放係到做裝飾都好靚!
最近中秋節,佢地仲整咗燈籠款添!
最後一間主打乾花蠟燭,啱晒啲文青用來打卡! 而且佢哋仲會定期舉辦手作workshop,有興趣想自己試下整蠟燭嘅朋友仔不妨去佢哋IG留意吓!
*溫馨小提示 購買蠟燭之前要留意一下佢哋嘅成份,而且燃點嘅時候都要小心,以免有意外發生!