《整容液》即將10月8日喺香港上畫，呢部係韓國第一套都市恐怖動畫，喺韓國一上映就力迫《天能》，真係引起唔少話題。
內容係講女主角本身好肥，係一次機遇之下拎到「整容液」，用法係將身體浸晒落「整容液」入面，就會將身上面嘅皮膚都溶化晒，之前就可以重新整成你想要嘅驚天美貌。女主角當然就照咁做啦，成功得到一副prefect身材同靚樣，仲做埋明星！
後來結局大家都估到啦，整容液出現副作用，為咗唔破壞佢咁完美嘅人生，人性醜惡嘅一面就蠢蠢欲動，走上一條不歸路啊！
改編自韓國勁好多評嘅漫畫《奇奇怪怪》，而呢部電影本身都花咗6年時間製作，盡力去呈現角色對美嘅追求，漫畫入面嘅刻劃角色都夠心寒，相信睇完電影都真係細思極恐啊，真係可以反思到「美」係我哋同世人中嘅定義，有好大啟發。
