連續4日放假，香港疫情都穩定咗，大家都約晒親朋戚友食飯去玩啦，幾日咁食法真係好易食滯，教你3個小方法消吓滯。
1. 飲茶
由細到大都聽爸爸媽媽話食月餅一定要配杯茶，因為茶有助消化止瀉。食太油膩的話，可配山楂、普洱茶同菊花茶，降熱氣，排走啲油脂；食太甜就可以飲綠茶同洋甘菊等，平衡血糖。
2. 酵素
個肚頂住頂住真係好唔舒服，消化酵素係可以幫助食物加快分解同吸收，市面上都有唔少酵素可以係食飯前後時間食，等腸胃吸收力好啲。想天然啲可以從蔬果吸收，例如木瓜，含有豐富消化酵素。
3. 清淡飲食
最直接嘅方法就係食得淡啲啦，濃味食得多都厭，第二朝起身可以食粥，清清腸胃。又或者食啲高膳食纖維或乳酸菌，例如蕃薯同乳酪，幫腸道毒素排出，排得暢請就冇咁辛苦啦。
過節係要盡興嘅，但食得太快太飽反而唔舒服，仲辛苦咁就唔好啦！記得要適可而止。
