Uncategorized 唔睇無話題

HomePod mini 啱晒一心多用自己友?六大功能同步做嘢開會兼聽歌

single image

Apple Event發佈會打頭陣就係HomePod mini,細細嘅機身,但內建嘅功能真係非常強大,只要講一句說話就幫你傳遞信息打電話等,平時日常有千萬樣嘢要做嘅自己友,有冇諗入手呢?

1. 機細靚聲

機身身高只有84.3mm,細細部擺係屋企都一啲唔阻位,又用上同Apple watch series 5一樣嘅Apple S5晶片,可以即時處理好多複雜運算,帶畀你最細緻嘅聲音。

2. 消噪效果

平時係屋企做嘢,想播歌放鬆下,或者開住嚟做嘢冇咁悶,內置全音域驅動器,高低音都完美呈現,360度都聽得清清楚楚。除此以外,怕屋企人多太吵,HomePod 聽唔到你對同Siri講嘢?內置4個收音咪,自動消噪,再吵都聽到你嘅指令。

3. Apple全家桶

睇戲睇劇音效質素都好重要,只要用你手上嘅Apple裝置連接HomePod mini,做做下嘢有人打電話畀你都可以直接對話,方便得多。中意睇Apple TV嘅你,有福啦,仲會將Apple TV嘅聲效質素提高添!

4. 接力聽

相信大家出門口趕頭趕命都唔係一日兩日嘅事,女仔就一邊聽歌一邊化妝,化化下發現差唔多遲到,男仔就玩手機,玩到差不多又就快遲到,再要熄speaker,真係花好多時間。而家你只要將iPhone放係HomePod mini 旁邊就可以接力聽歌。

5. 家庭廣播

屋企設定多一部HomePod,就可以用廣播功能同屋企人溝通,就好似Apple版對講機,以後唔洗再將同一句說話講完又講,就連你揸緊車,跑緊步,用CarPlay,AirPods,Apple Watch都可以用廣播功能收到信息。阿媽最開心,叫開飯都唔洗嗌足咁多次。

6. HomeKit

智能家居係大勢所趨,HomePod mini可以控制HomeKit嘅裝備,唔係屋企都可以控制燈光,係屋企就講一句說話就可以控制家居電子產品,真係懶人恩物,極度方便。

最後嘅最後就係售價,HomePod mini售價$749,唔過千嘅蘋果真係好少見!最重要功能都非常適合都市人,為大家嘅生活更加便捷,都係實現智能家居嘅第一步。有興趣嘅你11月6日(星期五)晚上8點有得訂啦!

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More