有冇試過個腦不停俾一首歌洗腦,但偏偏醒唔起歌名?!依家Google手機APP已經進化到你哼得出就幫你搵到!
Google話技術係轉音頻做數字排列嘅旋律,然後利用AI搵佢現有嘅歌曲~無論你係唱、哼、吹口哨,定錄音室嘅錄音,只要冇走音都一樣搵到,技術可以話叻過依家嘅Shazam呢一類辨識音樂APP。
輕鬆3個step幫你搵歌!
1.首先打開你手機Google APP,撳search bar隔離個咪。
2.之後佢就開始Listening。你可以撳下個彈出嚟嘅「Search A Song」掣,佢會根據你哼出嚟嘅10-15秒旋律做分析。
3.Google AI會搵到幾首你要嘅歌,再分析最接近嗰幾首有幾多% match,完~
呢個哼歌功能已經可以喺iOS提供英文版,Android仲可以提供20多種語言,新語言陸續有嚟!