Apple 最近推出iPhone 12系列嘅電話,當中一個矚目嘅新功能係MagSafe無線充電,據聞仲快過平時一般無線充電。不過有指MagSafe 配件的磁鐵對信用卡、酒店房卡有影響,到底實際情況係點?
Apple 營銷副總裁 Kaiann Drance 之前澄清,雖然iPhone 12 機背的磁石磁力較強,但一般而言並唔會影響銀行卡、信用卡嘅磁帶。而磁力較弱嘅酒店房卡和門禁卡,就有機會受iPhone 12嘅磁吸式無線充電線圈影響,失去原有功能。佢建議大家購買Apple MagSafe 矽膠護殼及皮革銀包,用嚟擺放磁力較弱嘅卡,避免重要嘅卡受影響。
MagSafe 矽膠護殼有8款顏色可以揀,分別係布冧紫色、海軍深藍色、柑桔色、塞浦路斯綠色、柚子粉紅色、白色、黑色、紅色及透明護殻,官網售價為HK$369。
如果大家有將信用卡、八達通放喺手機嘅習慣,可以額外加購MagSafe 皮革銀包,有4款色可以揀,包括波羅的海藍色、加州橙黃色、鞍褐色及黑色,價錢為HK$449,有興趣嘅朋友可以去Apple官網購買。