近期Netflix最hit嘅劇一定係《后翼棄兵》(The Queen’s Gambit),更喺爛番茄獲得100% 好評同IMDb 8.9分,稱得上係年度神劇!劇情引人注目之餘,劇中女主角Anya Taylor-Joy嘅服裝設計,都引嚟熱烈討論,絕美造型背後嘅靈感女神係嚟自Audrey Hepburn?
《后翼棄兵》改編自1983年Walter Tevis以5,60年代作背景嘅同名小說,短短7集交代咗國際象棋天才Beth Harmon童年至成名嘅國際象棋選手嘅經歷,而服裝更係背後花咗唔小心思,而得到大家嘅注目。
負責角色造型嘅法國服裝設計師Gabriele Binder話,劇中Beth所有嘅服裝都係親自喺專為製作電影同電視節目嘅縫衣間制作,真係件件都tailer made,夠晒珍貴。
Gabriele仲話呢啲服飾唔止係vintage(復古概念),仲要係獨一無二,並受到60年代時尚界嘅標誌啟發,女主角Beth Harmon嘅個性有如柯德莉·夏萍(Audrey Hepburn)同伊迪·塞奇威克(Edie Sedgwick)一樣,有自信、自由奔放並熱愛時尚,好似劇中Beth到紐約參加聚會時所散發嘅氣場。
《后翼棄兵》不論係劇情同造型都非常精緻,想重溫劇中典雅嘅造型,Netflix整咗一個虛擬服飾展覽,等你係線上慢慢重溫每一套靚衫,配合每套衫嘅故事同劇情,盡情投入60 年代的典雅服裝。想知邊幾件劇中服裝被Anya Taylor-Joy拎埋返屋企,就要到https://www.thequeenandthecrown.com/,仲有得睇埋 11月15日上嘅《王冠》第四季嘅衫!