適逢香港迪士尼樂園15周年，加上新城堡揭幕，迪士尼推出「FUN享奇妙夢想」大抽獎，送出1.5萬張門票及150份酒店住宿，即刻睇吓點報名啦！
大家可以喺11月21日上午9點開始登記參加抽獎，報名日期一連十日去到11月30日，迪士尼將會送出1.5萬張香港迪士尼樂園一日標準門票，以及150份迪士尼探索家度假酒店住宿。
參加方法非常簡單只要Click入迪士尼活動網頁，輸入所需資料就完成登記，參加者須持有香港居民身分證，11歲以下參加者需須持有香港出世紙及由本地學校發出的學生手冊，或附有相片的有效法律文件。
除咗抽獎之外，萬眾期待已久嘅新城堡都會喺11月21日正式揭幕，城堡由13個迪士尼公主和女王經典故事啟發建成，大家可以喺城塔同尖頂睇到每位迪士尼公主和女王嘅故事特色，大家可以挑戰一下自己認得幾多位公主嘅元素。
大家仲可以掃描QR code，喺林嘉欣的聲音導賞下，認識新城堡背後故事，了解從設計至完工嘅過程，更會介紹城堡概念與設計、創新建築技術、往後陸續推出嘅娛樂體驗等。
資料及相片來源：迪士尼
