唔睇無話題

人氣分手展覽3.0詳情 繼續有遺物展覽、扭蛋機 仲有占卜區、筆友配對

single image

分手其實都係人生必經之路,緣份嘅嘢話唔埋,你以為今次完咗可能好快又有,就好似LIFE Mart手作市集又再次舉辦「分手展覽3.0 」。

呢個展覽其實已經唔新鮮,前年教人「花開花落有時 • 賞花惜花及時」;上年同你講要放低,同思考什麼叫做愛;到今年更加去到新一層,表達出愛情唔能夠勉強,今日我同你天各一方,但係假如有一日我哋喺街上偶然咁撞倒,我哋會點吓頭然後Let go。今次同樣會喺D2 Place同饒宗頤文化館同步舉行展覽,兩邊展覽內容都唔同、各有特色,仲可以順便行下本地品牌市集,未諗到周末活動嘅快啲mark實喇。

日期:2020年11月28-29日

時間:1PM-8PM

饒宗頤文化館:九龍荔枝角青山道800號饒宗頤文化館(中區及下區)

「分手展覽3.0 (一物一故事)」

喺饒宗頤文化館呢邊就有較為人熟悉嘅分手遺物展覽,LIFE Mart早前已經公開收集咗大家唔同分手故事同物件,依家會用展櫃去展示出嚟。每件物件旁邊會有張故事卡紙,分享俾大家聽呢件物件背後嘅故事。大家可以放長雙眼,期待下有咩洋蔥。

「分手投稿牆」

繼續有投稿牆俾你分享自己感情經歷,包括分手原因、前度讓我學會的事、現任投訴,唔怕花式自殺嘅可以投稿,小編我就唔好啦。

「分手扭蛋機」

係以往其中一個受歡迎嘅區域,今次仲多到有4部!包括前度往生的理由2.0 扭蛋機、交換朋友扭蛋機、你愛情路上的角色扭蛋機、頹飯分手限定主題扭蛋機,頭300位客人仲會隨蛋附送分手展3.0襟章,數量有限,送完即止!

「人生占卜區」

係今次新加入嘅活動,LIFE Mart會將占卜、 塔羅等身心靈放入展覽,情路迷途嘅朋友可以占一占,話唔定得到一啲啟示。

「香港愛情文憑考試」

呢個展覽唔好以為單身先會嚟睇,拍拖緊拖嘅都可以帶埋拖友嚟玩。今次仲會設有2份卷目:1人作答嘅分手卷目 – 復康,同2人作答嘅愛情卷目 – 了解,透過考試問答形式,幫你了解自己,了解身邊嗰個~

 

D2 Place:荔枝角長義街9號 D2 Place ONE(一期)2樓 The Space

至於喺D2 Place,都會有「你聽過的分手理由投稿牆」,啱啱甩拖嘅你不妨寫佢出嚟鬥誇張,或者大開下眼界,見識下人哋嘅分手理由,等自己心理平衡啲。

另外「隨機筆友明信片活動」亦都係LIFE Mart久違嘅活動,單身者可以試試緣分,聽落詩意過Tinder。

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More