一直以來，Facebook 及 Instagram 一直主導社交媒體市場，但由於近年兩者開始瘋狂加入廣告，再加上監控問題嚴重，令到越來越多人開始尋求其他社交平台，而MeWe 就係其中一間近期掘起嘅新社交媒體，一齊睇下佢有乜咁特別啦！
申請MeWe 賬户只需電郵同姓名，更加唔洗好似Facebook咁要N步認證，又要send相又剩，可見免審查嘅制度都幾方便，相比其他社交媒體，我哋嘅個人私隱似乎係比較有保障。
入到界面，其實同Facebook 非常相似，有開群組，加朋友，睇stories，開post等功能，但就冇live 嘅功能。而事實又真係冇廣告，不過唔排除有人自己開post賣廣告啦。
MeWe 並唔係完全免費平台，如果要創立專頁，就要每月比$1.99 USD 先可以享用呢個功能，要有私隱又真係要付岀啲金錢嫁啦，不過用户依然可以追蹤同睇專頁。
MeWe 喺國外越嚟越越Hit ，保障私隱得嚟，又無廣告，自己友又會唔會試用呢？
