小編我整圖唔叻,所以周不時捐窿捐罅搵啲工具幫手,近排發現有個線上修圖工具可以幫到你褪地、轉格式、加水印、裁圓角等等等等~仲有得整埋GIF圖添,Adobe都可以唔使down!
Image online.co 係個免費一站式修圖製GIF工具,支援jpg, jpeg, png, bmp 等,不限圖片大小尺寸,亦不限修幾多張圖。佢有齊一般嘅修圖功能,例如較下光暗、對比度、飽和度等等,仲可以褪地轉格式、轉格式、加水印、裁圓角。
就好似加水印,只要喺Select度upload你張圖同你個logo,或者打你想加嘅字,揀埋字體、顏色、透明度,再按需要調較返你水印位置就完成,download得喇~仲有得揀埋png定jpg格式添。
驚唔識用?有啲功能仲有埋網站嘅貼心教學片段,一步一步跟住嚟就唔怕啦~
至於製GIF,同樣都係upload哂咁多張連環圖,再揀返GIF幾耐,仲可以視乎需要較尺寸、加文字上去,就download得~一個網站免費做到咁多樣嘢,超方便!