IG最近又更新咗新功能啦!「導覽」功能方便大家整理IG各類型嘅Post,令讀者可以更快地搵到想睇嘅文章之餘,仲可以引領讀者睇埋其他相關嘅文章。大家以後整理IG Post又有多個選擇,即刻睇吓點用啦!
首先大家可以喺IG個人檔案嘅右上角㩒一下「+」,並選擇「導覽」。
之後可以按個人需要,將IG Post按「地點」、「商品」或「帖子」分類,將相關地點、牌子產品或者相同主題的內容整合成一個系列。無論大家想整理遊記、食譜,定純粹分享日常生活,都可以更加井然有序啦!
比較常用「帖子導覽」用法非常簡單實用,可以用嚟整理自己嘅Post或者人哋分享嘅Post,大家可揀選想整合嘅內容。
仲可以為每個Post打標題及敘述,增加Post嘅吸引度。
最後你嘅朋友同埋讀者就可以㩒入你嘅個人檔案頁面,睇你分享嘅「導覽」文章,有種類似Blog嘅概念,更加直接地將你想分享嘅內容話比人哋知。
仲可以將「導覽」Share去Story話比人知你整左個「導覽」,快啲試吓個新功能啦!