唔睇無話題

仲用滙豐?開離岸戶口四大方法 20萬就可以開戶!一文睇清邊間最安全、門檻最低

single image

滙豐向客戶發出通知,提醒由香港上海滙豐銀行所提供的網上及流動理財服務,只供香港客戶在香港使用,網民議論紛紛,是否到了外國就不能再使用滙豐服務?雖然後來澄清香港客戶於海外可如常使,但仍引起陣陣猜疑。

如果想妥善管理自己嘅財產,除咗將存款放喺本地銀行之外,亦都可以開離岸戶口以備不時之需。離岸戶口即係海外戶口,入面嘅資產唔受香港法例監管,方便大家喺留學或者工作假期期間調配資金。開離岸戶口有好多方法,包括透過外資銀行、海外證券行、虛擬銀行以及海外銀行,即刻睇吓邊個嘅最啱你啦!

一:本地銀行
喺香港為人熟悉嘅外資銀行包括花旗銀行、滙豐銀行、星展銀行同埋渣打銀行,大家可以經以上銀行開設離岸戶口,滙豐銀行嘅最低結存要求低至20萬,不過就要收取$800開戶費。而大部份銀行嘅最低結存要求就係100萬,並可以豁免開戶費用。如果大家想知道更多開戶口嘅詳情,就要打電話或者親身到分行查詢,由於銀行政策成日變,以下數字只供參考。

二:海外證券行
如果大家唔想將咁多錢放喺離岸戶口,可以考慮透過海外證券行開設離岸戶口,為咗方便大家管理資金,部份證券行並無最低存款門檻。不過大家喺海外證券行申請戶口之前,記得做足功課,盡量選擇有美國投資者保護公司(SIPC)承保嘅證券行,萬一證券行倒閉都可以獲得賠償。

三:虛擬銀行
近年虛擬銀行亦都成為一個新選擇,大部份虛擬銀行都無開戶資金門檻,但同樣受當地政府監管。所以部份虛擬銀行喺開設戶口嘅時候,需要提供住址證明及身分證明文件,大家揀選虛擬銀行嘅時候記得留意清楚條款。如果嗰間虛擬銀行只接受指定國家居民開設戶口,大家就要做好多步驟,例如申請外國地址、電話等個人資料用作申請戶口。

四:海外銀行
大家亦都可以直接喺海外銀行開設戶口,相比起香港銀行,海外銀行門檻較低,大家亦都可以揀選歷史悠久嘅傳統銀行,比較有信譽之餘風險亦較低,將啲錢放喺入面都安心。但值得留意嘅係,多數海外銀行嘅匯款手續費較高,如果大家經常有資金流動,就未必係最好選擇啦!

 

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More