唔睇無話題

4個仿菲林相機APP BLACKPINK 、TWICE成員都用 隨機FILTER冇得揀張張有驚喜

single image

菲林相機擁有獨特的魅力,按下快門之後就無法重來或者更改,而且照片從光圈、構圖、漏光效果、對焦都係獨一無二。相信鐘意菲林相機嘅大家,除咗追求相片呈現出嘅復古質感之外,就係鍾意照片帶出來嘅無限可能性~

手機安裝菲林相機APP一樣可以輕鬆拍攝出一張有懷舊復古風格嘅照片。出街唔使特登帶多部相機,又可以讓大家隨時紀錄生活點點滴滴。以下推介嘅4款仿菲林相機APP,同真嘅菲林相機差異唔大,使用起來方便快捷,仲要充滿溫度和儀式感!

1.Gudak Cam

曾經喺韓國爆紅「Gudak Cam」連人氣韓國女團BLACKPINK 、Twice成員都經常用嚟拍生活照。照片效果高度仿照菲林復古風格之外,而且連操作方式都仿造真菲林相機,用戶只能透過介面上嘅小觀景螢幕進行拍攝。同埋拍完照後喺唔可以打開照片確認的,底片要影滿一卷24張先可”沖洗”,耐心等待3天先可以睇到製成品! 充滿着儀式感~

2.KD Pro

KD Pro比其他App更方便快捷,因為沖曬時間比較短。拍攝後的相片可以隨時觀看及立即清除。唔同光線和角度相片會產生不同效果,一樣有新鮮感。前後鏡頭一樣可以拍攝,想用菲林相機自拍一樣沒有難度~ 完全方便喜歡用手機隨時拍攝嘅大家!右下角都會有拍攝時間的浮水印,就像是舊式底片或傻瓜相機一樣,仿舊效果超級逼真

3.Huji Cam

Huji Cam 濾鏡顏色偏藍和紫,還有隨機嘅彩色漏光效果,不過這個暇疵成為照片的一大特點。而且操作非常簡單只需要按下快門按鈕,就可以即時查看效果,影到滿意為止!仲有切換前後鏡頭都冇問題。這個菲林相帶着藍和紅色嘅光感,有着手機菲林相機的專屬溫度~

4.NOMO

NOMO 的濾鏡是隨機的,有漏光、暗角等復古特效,每一張照片都獲得意想不到嘅效果,驚喜度100分!介面只有一個觀景窗口看著拍攝嘅畫面。佢嘅特別之處係要好一部真即影即有相機一樣等大約 90 秒照片先會出來~需要等待先欣賞到嘅照片,令大家能夠重新感受以前使用菲林相機嘅感覺,真喺一個不錯體驗。大家快啲下載試吓!

呢啲你都可能啱睇!

single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More