WhatsApp今次更新後又有新功能啦！大家更新後可以更加有效率地管理手機嘅儲存空間，為不同聯絡人設定設定獨有嘅wallpaper及鈴聲，以及7日自動清除限時訊息功能。更新後嘅功能更加人性化，大家快啲睇吓更新後嘅功能點用啦！
1. 為不同聯絡人設定獨有嘅wallpaper及鈴聲
以前大家只可以設定一款wallpaper，現在起大家可以為不同聯絡人，設定專屬的wallpaper圖片，以及設定收到該聯絡人訊息時的鈴聲。以後聊天記錄就更加多變化，增加視覺上的吸引度，每個對話都變得獨一無二啦！
2. 有效率地管理手機嘅儲存空間
如果大家手機嘅儲存空間經常不足，就要睇吓係咪WhatsApp佔得太多容量。更新後大家可以喺WhatsApp入面睇到佔容量較大嘅相片、影片或者文件，更加可以睇到邊啲相片、影片或者文件重複儲存喺手機入面，就可以更有效率刪除重複嘅檔案，節省手機儲存空間。另外，whatsapp有時都會有啲已經好耐無用嘅對話，大家都可以刪除無用嘅聊天記錄節省空間。
3. 7日自動清除限時訊息功能
為咗增加 WhatsApp嘅私隱度，大家可以係WhatsApp啟用限時訊息功能，七日後訊息就會自動消失。喺個人對話入面，對話雙方都有權啟用或者關閉限時訊息功能。而喺群組入面，只有群組管理員有權限開啟或者關閉限時訊息功能。不過喺限時訊息消失之前，用戶仍然可以轉寄、cap圖、複製或者用其他方法影低訊息內容，所以大家用呢個功能嘅時候都有一定風險。
