依家冇得出街食晚飯,連聖誕節都冇哂著落,唔通要留喺屋企食自己⋯⋯?唔使灰住!依家好多火鍋店都搞埋外賣,一於今個寒假留喺屋企烚下烚下啦。
節日限定: 616全牛火鍋盛宴套餐(四至六人份)只係$688,外賣自取仲有8折啊!套餐除咗有全牛盛宴例如橫隔肌、牛駝峰、肩胛翼板、牛舌等等,今次限定仲可以試埋俄羅斯牛封門柳、金花趾、牛側胸肉添。
留意外賣自取時間係下午2點至晚上10點,要喺3日內、最少2小時前落單,詳情可以睇睇全港17間分店邊間近你同落單,用Loco App order一樣有8折!
地址:銅鑼灣登龍街28號永光中心2樓
賣點除咗有自取8折,懷舊風味都夠哂吸引!配料有得食花雕醉雞,而湯底主打養生,並唔係平時見到嘅普通番茄湯個啲,有木瓜番茄鮮魚湯、火瞳花膠魚肚雞湯等等,食開辣嘅仲有酸菜辣肉湯同十下麻辣湯揀添~二人同四人套餐每位都係$288,每位$368套餐仲豪啲!滿$850免費送貨至港島九龍,入嚟睇下餐牌同Whatsapp 5402 0239落單。
地址:旺角白布街16號地下
外賣雞煲不二之選,0蚊半隻雞優惠仲做緊!過百款火鍋配料任你揀,最低消費$500。全部都係直接網上落單、專人送嘢食上門,不過想自取就要直接到門市落單喇。
旺角總店地址:旺角染布房街6號1樓 (旺角站E2出口, 火車路, 入口喺安安燒旁)
中環店地址:香港中環雲咸街46-48號雲明行3字樓(中環站D2出口)
西環旗艦店地址:皇后大道西554-560號日富里地下1號舖(香港大學站B2出口)
鍾意食海鮮嘅人必bookmark!每日限量3份$888海龍王套餐A,有原條沙巴龍躉斑、加拿大野生象拔蚌刺身、花膠等等貴價海鮮,搶唔到都唔使傷心,有得揀$288海龍王套餐B,小編試過佢黑松露墨魚滑都正㗎。另外屋企冇爐冇gas都唔使怕,因為連爐具有得同佢哋買埋。記住星期五六日要提早至少一日預訂,網上落單時唔好開心得滯,將另外幾間分店嘅商品一齊埋單。
地址:尖沙咀金馬倫道38-40號金龍中心3樓
依家做緊套餐優惠夠哂多選擇,二至三人可以揀$599套餐A,四至六人就有$999套餐B、$1299套餐C選擇,鍾意海鮮可以嗌$2199海鮮餐,另外日式丼飯一樣高質!時不時會有地區街坊團購,住山旮旯嘅自己友跟貼佢哋個Facebook page團購,就唔使搭車出去。注意外賣自取截單時間係6點鐘。