Uncategorized

【黃店系列】精選3間甜品店 勁大碗芋圓仙草、雪糕麻糬窩夫、開心果味心太軟

single image

無論食得幾飽,相信大家食完飯之後都會再想食甜品。今次就嚴選左三間良心小店俾大家,佢哋嘅甜品全部落足料,芋圓仙草、麻糬窩夫、心太軟全部都大大碗抵食又好味!相信作為甜品愛好者,試完之後一定一試難忘!係疫情期間外賣好選擇,令大家可以安在家中食黄店~

  1. 芋圓一 Tarone

Tarone希望甜品可以帶給客人滿滿的幸福感覺,所以佢哋每日都用心製作,選料嚴謹,甜品即叫即整,保持新鮮感。最受歡迎嘅甜品非芋圓系列莫屬!芋圓有煙韌既口感,顏色鮮明,仲有四種口味俾大家揀,包括芋頭、紫薯、蕃薯、南瓜。賣相又IGable 味道又唔係好甜~

足料芋圓仙草,每樣配材都煮得岩岩好,好味又大碗,性價比十分高!每次既水準都保持到,所以舖頭經常出現人龍。

地址:  香港大角咀角祥街48號

營業時間 : 3:00 -11:30 pm

2. Here Dessert 原點

位於元朗嘅文青甜品舖,以簡單潔白嘅裝修為主。店內最出名就係高質雪糕麻糬窩夫。原味窩夫看似平凡,外層金黃香脆裏面鬆厚綿密加埋麻糬軟糯煙韌口感豐富, 食落一啲都不平凡!呢到嘅窩夫有種神奇吸引力,唔少客人都一試返尋味。

另外,百利甜酒朱古力心太軟都十分吸引,一切開朱古力漿就流出嚟,軟硬適中更帶點百利甜酒嘅醇香,味道意外地夾~ 而且製作時間相當之快,約十分鐘就上枱了。

地址: 元朗馬田路20-30B號安寧大廈地下4號舖

營業時間 : 16:00 – 01:00

3. 想甜嚐甜 Sweet Dreamer Dessert

人氣甜品小店,以堅持甜品當飯食的原則。不少人推薦開心果心太軟配乳酪雪糕係必食嘅!開心果味道既心太軟好少見, 外面皮脆焗得啱啱好,配埋開心果同開心果醬一流,更乳酪雪糕伴碟,食落味道夠曬新鮮,一甜一酸幾特別~另外芒芋亦都不錯,細細碗但勁足料,芋圓、地瓜圓、紫薯圓、小丸子、水晶珠、芒果粒同奶凍全部有齊,啖啖芒果甜香,奶凍滑身而芋圓類煙韌,口感豐富。

地址:  大角咀嘉善街18號利奧坊二期地下G703號舖

營業時間 : 15:00 – 00:00

(Photos from OpenRice)

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More