大家平時做design嘅時候經常要用到一啲透明底嘅素材，今次為大家介紹一個免費嘅透明底素材網。大家喺PngImg Download嘅素材本身已經係PNG檔，慳返去背嘅時間，即刻睇吓點用啦！
大家可以直接輸入想搵嘅素材，亦可以按英文字母搵想要嘅素材，網站亦為大家分類咗唔同類別，方便大家用最快嘅時間搵到想要嘅圖片。
網站收錄超過兩萬張素材，只要輸入關鍵字，就有各款唔同風格、唔同設計、唔同size嘅素材顯示出嚟，方便大家放入唔同嘅設計入面。
而且大家無需登入、無需註冊，就直接Download到需要嘅圖片。每張圖片都富有詳細嘅介紹、清楚列明圖片嘅格式及Size，之後大家要搵圖就更加方便啦！
