雖然香港近年愁雲慘霧,但過時過節或者間唔中遇到一啲值得高興嘅事,都會想開香檳賀一賀佢,下面幾間賣酒嘅黃店都係唔錯嘅選擇。
黃到金嘅葡萄酒專門店,品酒師會定期到世界各地精挑細選性價比高嘅葡萄酒。佢哋推出嘅FREEDOM氣泡酒救大有來頭,事關佢哋喺西班牙加泰隆尼亞一間酒莊搵到,莊主係為咗紀念當地喺2017年進行公投而釀製嘅,仲特登整咗香港特別版俾老闆將佢帶嚟。每批製作需時又賣得咁快,想買就要跟貼佢哋喇。
地址:旺角彌敦道582-592號信和中心2樓207號舖
香港專賣手工啤嘅地方少見,而且選擇唔多,但呢間應有盡有,近至本地、台灣、日本嘅有,遠至澳洲、意大利、蘇格蘭等等都有,名符其實俾你怒飲。
地址:銅鑼灣渣甸街5-19號京華中心5樓510室
鍾意日本酒嘅注意!有成50幾個日本牌子,清酒、米酒、燒酎、梅酒同果酒通通都有,價錢平有平買,貴有貴飲。
地址:太子西洋菜北街169號地舖
專賣威士忌,上去揀有老闆熱心介紹世界各地不同牌子威士忌俾你。門市環境仲幾靚,有時間可以坐低歎埋咖啡、聽下音樂。
有齊多款日本果酒,不時推出當地時令期間限定特色果酒,就例如先前賣過荔枝奶酒、草莓乳酪酒等等,市面上好難搵㗎;上網落單仲有得揀黃色速遞。