西班牙藝術家Joan Cornellà闊別香港3年後再度回歸舉行作品展，而今次嘅「My Life Is Pointless by Joan Cornellà」吾單止係佢第三場香港個人展覽，仲係規模最大型嘅一次。今次作品展由香港蘇富比與香港著名創意工作室AllRightsReserved 聯手呈獻，大家係咪好期待呢！
是次活動主題為「生即是空」，將會首度公開展出按真人大小比例製作嘅木板畫、多形板面畫及銅像，包括Joan Cornellà標誌性設計如SELFIE GUN, BOOTYBOOP等作品每一一呈現係大家眼前。最驚喜嘅係一系列已停製的限量版版畫作品都會出現喺展覽會入面！
藝術家Joan Cornellà表示：「相隔三年，我很興奮再次為香港觀眾帶來具代表性的作品，以及介紹一系列結合文字及圖像元素的新作。有趣的是，這些超現實的黑色幽默卻似乎與現今時代互相呼應著。過往我曾多次表示希望我的作品能有自己的聲音，故此我對作品的解讀一直抱有最開放的態度，提供更多空間啟發不同的批判性思考。」
Joan Cornellà憑藉簡單的語言同鮮明愉悅的色調諷刺人性陰暗面，以黑色幽默的代表人物吸引大眾，令佢喺Instagram座擁近800萬followers。作品喺世界各地都展覽過，無可否認係國際間享負盛名。
今次喺香港嘅展覽仲好特別咁可以網上欣賞展覽！360度線上看展讓大家可以細緻地觀賞每一個藝術品，放大縮小圖片完全冇問題。喺疫情期間，大家減少外出亦都可以係家中如置身其景，慢慢細看展品~
Joan Cornellà作品同時集趣味、黑暗及啟發性於一身，依種獨一無二、引人深思的幽默感，相信一定可以引發大家共鳴。記得睇展覽之前要上網預約啊！
展覽日期：2020年12月15日 至 2021年1月29日
地址：金鐘太古廣場1期5樓 香港蘇富比藝術空間
星期一至五：10am – 6pm；星期六：11am – 5pm
以下日子休館：2020 年12 月24 日至2021 年1 月3 日，星期日，以及公眾假期
