“Lorem Ipsum…” (簡稱Lipsum)可能係最多freelancer做嘢嗰陣見過嘅文字,你或者以為佢只係一段用喺排版嗰陣試位、試字體嘅dummy text,但世事種往冇你諗得緊簡單,等小編話你知關於佢嘅4個fun facts啦。
1. 原來呢串並唔係啲咩火星文,佢係拉丁文,源於羅馬律師兼哲學家西塞羅《善惡之盡》第一章,其中講述緊「無人愛苦,亦無人尋之欲之,乃因其苦⋯⋯」玄到消化唔到唔緊要,反正佢依家都有第二個用途。
2. 至於邊個咁得閒會諗到用呢篇嘢嚟做dummy text?相傳喺1500年代,一部不知名嘅打印機有日打亂咗原來印刷範本,於是自此搵咗Lipsum用嚟做文本樣本,沿用到今日。而為咗唔好俾內容影響佢發揮嘅作用,所以佢經刪減過,同將K、W、Z呢啲拉丁文冇嘅英文字母都加入去,務求令段嘢更似現代嘅英文。
3. 用開Adobe嘅就知道佢係內置Lipsum,但原來Microsoft Office一樣有,唔使特登copy!只要喺上面打=lorem(段落數目,句子數目),然後撳Enter就有會出現一堆dummy text喇。想用返英文排版,可以入返=rand(段落數目,句子數目),一樣有英文版dummy text。
4. 坊間都有好多網上Lipsum生成器,如果用嚟用去都係Lorem起頭嫌悶,想搵啲嘢玩下,可以試下Google然後gen出唔同dummy text,例如Cupcake Ipsum、Trump Ipsum~。