Send錯email俾第個人或者send完出去先發現有錯,呢啲情況險過剃頭⋯⋯等小編教你Gmail一招半式旁下身、保住條命,潑出去嘅水都收得返。
Gmail一直喺你send出email後5秒都有個復原嘅掣彈出嚟,俾各位大頭蝦或者衝動哥收返錯嘅email,但係呢個掣次次閃出嚟往往係電光火石間,撳都撳唔切。
依家只要喺右上角「快速設定」嗰度揀「查看所有設定」,入到去搵「取消傳送」由預設嘅5秒剔做30秒之後儲存,咁之後send錯email都成30秒俾你反應。不過暫時只有電腦版先有得設定,喺Gmail手機APP就未有喇。