因為疫情嘅關係，相信有唔少朋友都成日喺屋企，悶都悶死啦！所以今次為大家介紹三條揀以行山路線！等大家可以帶着一家大細行吓山，呼吸下新鮮空氣。今次介紹嘅全部都係一粒星，即係非常之容易行！基本上1小時內已經可以行完。
1.大美督家樂徑
呢一條路線只係有1公里嘅距離，真係啱晒一家大細可以齊齊出動去呢一個行山徑！雖然佢得1公里，但係喺呢段路入邊已經有四個觀景台，一邊慢慢行一邊可以欣賞下風景！絕對係行山新手嘅首選!
起點：可乘搭公共交通工具前往「大美督」巴士總站，向船灣淡水湖主壩方向步行約5分鐘，可達白普理賽馬會青年旅舍旁起點。
九巴路線 – 75K及275R (275R只於星期日及假日行駛。)
專線小巴路線 – 20C及20R
終點：沿路步行回「大美督」巴士總站乘車離去。
九巴路線 – 75K及275R (275R只於星期日及假日行駛。)
專線小巴路線 – 20C及20R
2.河背水塘家樂徑
呢一條路線沿途全部都十分平坦，沒有太多梯級或者斜坡位。相對來講比較容易行亦都比較安全。沿着河背水塘行輕輕鬆鬆就可以睇到十分美麗嘅風景，呢度更加曾經被選為香港郊野十景之一！鍾意影相嘅大家不妨嚟呢度影吓相！
起點：可乘搭公共交通工具前往河背村，由河背村步行約30分鐘前往河背水塘家樂徑。
專線小巴路線 – 71
終點：終點與起點相同。
3.北潭涌自然教育徑
呢一條行山路徑亦都係比較平，啱晒啲行山新手！沿途嘅教育徑更加會有資訊牌介紹一啲環境同埋生物。所以呢條路都啱小朋友一路行一路可以學下野！認識下濕地動物同埋自然環境等等！
起點：可乘搭公共交通工具至「上窰」巴士站，沿大網仔路步行約3分鐘到達復興橋，或乘專線小巴於復興橋下車，此為起點。
九巴路線 – 94 及 96R (只在星期日及公眾假期行走。)
專線小巴路線 – 7 及 9
終點：由上窰沿路折返大網仔路復興橋
九巴路線 – 94 及 96R (只在星期日及公眾假期行走。)
專線小巴路線 – 7 及 9
以上為網上圖片
