唔睇無話題

5大熱門飛行里數信用卡比較 而家儲定疫情完結即刻有得飛

single image

疫情期間冇得出行,等到疫情散去,大多數人都會報復式旅行去補返數,而家當然要未雨綢繆啦,信用卡付款方式咁方便,申請張可以儲飛行里數嘅信用卡,由日常生活慢慢儲,等到差唔多疫情散去,就可以拎出嚟用!文章最後整理咗個表,等大家可以清楚啲咁比較。提提大家,資料只供參考,如果想申請,記得以銀行提供嘅資料為準呀!

1. 渣打亞洲萬里通萬事達卡

唔少社會新鮮人第一張都係申請呢張,因為佢年薪要求唔算高9萬6千蚊,最方便係每月嘅信用卡里數就會自動存入你嘅Asia Miles嘅帳戶入面,又唔使收額外手續費。食肆、網上同海外簽賬有HK$4/里,其他簽賬都有HK$6/里。迎新優惠有高達4萬里送。年費就每年2000蚊。
網址:https://www.sc.com/hk/zh/credit-cards/asiamiles/

2. DBS Black World MasterCard

呢張就唔單止換Asia Miles,佢用DBS$形式去回贈,日常嘅消費都可以透過佢嘅Apps當現金咁扣錢,彈性再大啲。本地簽賬HK$6/里,外幣簽賬HK$4/里,積分冇限期,用嚟換Avios都得。透過iGo Rewards平台仲有用市價55折兌換機票或酒店,真係抵上加抵。迎新優惠有高達5萬里。年費每年2000蚊,最低年薪要求就要24萬。
網址:https://www.dbs.com.hk/personal-zh/credit-cards/credit-cards/black-mc

3. 東亞銀行Flyer World萬事達卡

鍾意睇戲嘅朋友,呢張卡真係申請得過,MCL院線同香港UA院線享正價戲票8折。同埋本地消費多都抵過上面2張,本地、海外、餐飲、網購簽賬都有HK$5/里,八達通自動增值都有HK$8/里。第一年免年費,最低年薪要求要24萬。
網址:https://www.hkbea.com/html/tc/bea-credit-card-flyer-world-mastercard.html

4. 美國運通國泰航空尊尚信用卡

商務人士或者自問自己成日飛嘅朋友,呢張卡就最啱你。有咗呢張卡就會有埋Marco Polo Club綠卡會籍,搭國泰優先Check In同登機。同樣信用卡里數回贈會自動存入你嘅Asia Miles賬戶。本地簽賬HK$6/里,外幣簽賬HK$4/里,迎新最高有7萬6千里,最低年薪要求30萬。豁免首年年費。
網址:https://www.americanexpress.com/hk/ch/credit-cards/cathay-pacific-elite-card/

5. Citi PremierMiles信用卡

唔想局限於Asia Miles嘅朋友,呢張靈活性同可用嘅計劃夠晒多,Asia Miles同Avios等14間航空公司嘅積分都換到!海外簽賬可享HK$3/里,其他簽賬有HK$8/里,信用卡里數以積分形式回贈。每年免費享用環亞機場貴賓室/Wellness Spa & Salon服務12次,但使用後30日內要簽賬滿HK$5,000 ,仲有免費旅遊保險,經常出行嘅朋友方便之選。
網址:https://www.citibank.com.hk/chinese/credit-cards/premiermiles-cards

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More