呢排大家多咗時間留喺屋企, 不妨趁呢段時間好好增值自己,疫情過後無論係工作上,定係去旅行嘅時候都有所幫助。 網上有好多免費學習資源,部份課程更加係由全球各大學免費提供,大家只需要申請帳戶就可以免費上堂。
今次為大家介紹自學網站Coursera, 網站於全球超過200間大學及公司合作,提供時間彈性、職業相關嘅課程, 當中包括設計、電腦科學、社會科學、各國語言、人力資源等唔同嘅專業範疇課程。 由於部份課程係由大學提供, 所以質素較有保證。
如果大家希望喺修讀課程後獲得大學發出嘅相關證明,就要付款。 如果大家純粹只係想自我增值,學一門新嘅知識,有好多課程內容都可以免費提供。
Click入有興趣嘅課程之後, 就可以睇到嗰個課程嘅任教導師、 課程目標及內容、 課程語言、時數、難度等資料,等大家更容易掌握課程係咪適合自己,網頁下方亦有其他學生對於課程嘅評價,俾大家做參考。
揀完想讀嘅課程之後,就可以開始上堂啦!雖然大部份課程都係用英文教,但網站亦有提供唔同語言嘅翻譯版本,大家可以揀返自己熟悉嘅字幕語言,更加明白容易課程內容。
另外,網站亦會因應大家嘅工作需要及學習習慣,設計度身訂造嘅學習計劃,等大家有效率、持之以恆地學習,咁就唔怕浪費喺屋企嘅時間啦!