唔睇無話題 醫飽個肚 黃店有話兒

【黃店系列】3間將軍澳特色cafe推介 海景/工業風/文青咖啡店 食TEA、打卡一流

single image

疫情期間冇得去旅行,又想搵地方chill下,享受下生活,就不妨去咖啡店坐下,感受一下慢活嘅生活節奏。而係將軍澳區就有唔少高質咖啡店,以下3間靚景cafe,唔單止有特色裝修,食物同咖啡都好高質!大家可以一邊品嚐咖啡一邊享受陽光與海風。

  1. JOMO Kitchen & Health Hub

店舖以簡約風裝修,空間感非常大,每一個角落都係打卡位~ Cafe分開室內同室外座位,戶外有個無敵大海景,Jomo更歡迎大家帶寵物到戶外一齊享用。餐廳食品種類都比較多,意粉、麵包、多士、蛋糕都有齊晒。係有良心嘅咖啡店,入面店員嘅服務態度仲超級好,大家一定要去支持下!

Photo cr.小鹿班比

同大家推介店內必試嘅戚風蛋糕!有伯爵茶、芝麻同柚子味。蛋糕十分鬆軟又有淡淡嘅香氣,加上蛋糕面上香滑厚實嘅cream,真係一試難忘~                        Photo cr. Jomo

地址:將軍澳唐俊街23號澳南海岸MONTEREY PLACE地下G01號舖

OPENING HOUR: 0900-1800 WEEKDAYS | 0900-2000 WEEKENDS

2.牧羊少年咖啡館 The Alchemist Cafe

最有名氣文青咖啡店,係將軍澳區嘅打卡勝地。店舖裝修以暖色木系,文青得嚟又不失高雅,室內座位十分寛敞,坐得好舒服。 大家都推薦佢地意粉,食物新鮮,性價比又高,仲有特色甜品同飲品。諗唔到去邊度chill,就不妨去坐下~Photo cr. The Alchemist Cafe

Cafe更推廣不同能豐富生活的文化,當中最重要為音樂、文字和藝術等等。使客人能在旅遊以外的時間享受生命,體驗更多。

地址:將軍澳寶康路105-107號香港單車館地下G53號舖

3.Urban coffee roaster

另一間係將軍澳對住海旁嘅咖啡店!係輕工業風嘅高質咖啡店。一出門口就望到過海,店內仲有大大個玻璃窗,陽光透入店內,真係好治癒~ 門口嘅”GOOD FOOD SERVE ALL DAY” 打卡一流。

咖啡愛好者就一定要去試吓佢哋嘅極級咖啡豆,設有冷藏櫃,令咖啡豆可以磨得更平均。另外,主打日式食品同fusion菜,口感創新,全部都係心機之作,燒牛肉同殼蟹飯都十分推薦。Photo Cr.Urban coffee roaster

地址:將軍澳藍塘傲地下12號舖

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More