一字咁錢 再生銹既刀都有鋒利嘅一日 搞掂檔 自己友收數攻略

HelloToby freelancer被走數搞到報警? 4個方法保障自己 附接job必備財務文件懶人包

single image

近日疑有freelancer喺連登控訴自己慘被走數。我哋手停口停工作室編輯部亦都搵到事主,講返發生咩事。事主話喺上年10月,眼鏡舖瑞士寶經服務交流平台HelloToby搵到事主,繼而WhatsApp事主講好會喺月尾過數,事主亦喺兩星期後完成交貨。

事主前前後後改過好幾次份作品,又同過眼鏡舖唔同同事交涉。交貨後事主多次追問其中一位同事出糧安排,但都只係得到「同你check下」嘅答案⋯⋯卒之到兩個幾月嗰位同事先向佢坦白,話自己已經辭咗職。

事主唯有搵返接手嘅同事,但對方回覆話因為條片同老闆要求有出入,所以唔算收貨,如果做返老闆要求嘅先會找數,又話離職同事冇交待清楚,當時又冇簽過報價單或者任何確認交易嘅文件,所以唔會無端端俾錢。最後事主決定將件事放上網。

事主接受手停口停工作室編輯部訪問時話,當時離職同事喺HelloToby問佢報價並唔係以公司名義,所以並冇搵到HelloToby處理。嗰位離職同事主動提出,可以自掏腰包先住錢畀事主先,等公司找咗數,事主再還番錢。雖然事主都叫收到錢,但佢唔希望件事就咁算。本來仍然打算去小額錢債審裁處申索,不過之後我哋又收到事主嘅消息,話瑞士寶同佢講報咗警,同埋會保留追究佢指責、誹謗公司嘅法律責任權利,所以事主決定暫時睇定啲先。

瑞士寶截稿前都未有回應。而小編就問過HelloToby話對事件唔知情,條款寫明佢哋作為服務交流平台只係幫freelancer搵客,提供聯絡資料俾雙方佢哋自己deal,唔會直接介入交易或者為佢哋作出交易、協議、合約或安排。HelloToby話如果發生糾紛,建議雙方保存對話紀錄俾佢哋跟進,佢哋會採取合適措施甚至永久凍結相關人士帳號,以確保同類事件不會再發生;而遇到緊急或違法事件,就會建議用戶聯絡警方以確保自身利益同安全。

各位Freelancer除咗喺使用呢類平台時要細心留意相關條款,唔想遇到呢啲客,就要識得以下幾招自保:

  1. 白紙黑字冇得輸

做得freelancer能夠幫自己嘅就只有自己,就算係HelloToby呢類平台,往往都要freelancer作出相應措施保障自己。所以第一件事要避免電話傾、冇留底,仲要起齊Quotation、Invoice、Receipt,清楚列明收費、詳細工作內容、條款及細則,要對方簽名加公司印作實,工作內容有大變動更加要出過張新嘅,大家清楚之餘又唔怕出事冇得追;如果涉及長期合作或金額較大就最好當面簽添。

唔識起?入嚟睇埋我哋財務文件懶人包

  1. 訂金走唔甩

唔熟行情嘅客好多時「你信唔過佢、佢又信唔過你」,要求收咗成品先俾錢,有辦你睇㗎,某紀律部隊精英入便利店淨係拎人哋枝水都夠膽走咗去啦。所以最好喺文件度寫定要俾訂金同set deadline,長期或大型項目甚至可以自定分期,就算佢走數都揦返拃沙。

  1. 落水印冇有怕

做設計、製作嘅freelancer遇到上述問題同樣可以出奇招KO佢哋,未收到錢前只出個有水印嘅版本,咁佢想走數都只可以拎住有你個大朵嘅版本走佬。

  1. 同朕check下佢個底

Freelancers 不時會遇上各式各樣客人,接單前不妨上下客戶社交網站、網上討論區睇下人哋嘅comment,平時同你身邊嘅行家交流下,話唔定個客臭名遠播而你不知道,咁就中伏了⋯⋯

所以大家除咗要帶眼識人,仲要帶眼接JOB呀!最好就mark實我哋定期提供的freelancer資訊,咁就冇有怕啦!

呢啲你都可能啱睇!

single image
唔睇無話題 搞掂檔 每月焦點

文字工作者、Content writer作品集Template 3個高質網站幫你整靚Portfolio

做freelancer最緊要有個靚仔Portfolio,咁樣先會令到你更加突出,增加搵到工作嘅機會!唔單止設計、圖片方面嘅工作者要整個protfo,就連content writer 嘅自己友都一定要整個靚靚嘅個人作品集!如果之前冇整過嘅都唔緊要,以下為大家介紹三個網站,輕鬆就可以整到protfilo! ...
single image
再生銹既刀都有鋒利嘅一日 唔睇無話題

【Instagram】IG將強制用戶提供生日保障未成年人 講明用AI捉人虛報年齡!

「老嘢先用Facebook」咁經典嘅說話係出自現代香港中學生,可見依家越嚟越來後生仔女傾向轉玩IG,仲要幾細個有幾細個。不過網絡呢個虛擬世界又真係要時刻保持警覺!就好似Instagram官方近日宣佈,為咗保障未成年用戶嘅私隱同安全,同埋加強「個人化體驗」,將會強制用戶提供佢哋生日資訊。 IG官方話幾年前已開始要求開設帳戶時填寫生日資訊,今次改動咗更會不時彈出通知提佢哋填生日。如果用戶接觸到一啲比較敏感嘅內容,IG本身會隱藏咗佢等用戶撳咗確定先顯示;但改動後會要求用戶一定要填咗生日,確認夠稱先睇到。 後生啲嘅朋友可能話:「唓,填假日子咪得囉」,少年你確實太年輕,IG一早諗到啦,仲講到明會用AI喺啲生日post偵測用戶真實年紀,然後要求佢哋再認證。 ...
single image
唔睇無話題 搞掂檔 每月焦點

Gmail郵件自動分類教學 3步整合唔怕郵箱立立亂

各位自己友每日收到好多電郵,尤其係啲廣告電郵多到有時會令我哋錯過咗啲工作電郵。今次教大家利用Gmail嘅自動分類功能,為電郵套用標籤,以及標明顏色,方便大家喺眾多郵件中搵到要處理嘅項目。     首先教大家點樣用自動分類功能,自動分類功能非常實用,系統可以分到來自客戶、家人朋友、宣傳廣告等唔同類別嘅電郵。 最簡單嘅方法係click入想自動分類嘅電郵入面,再㩒右上角「篩選這一類的郵件」,就可以根據寄件者嘅電郵地址,建立篩選規則,將呢個寄件者嘅其他郵件組合埋一齊。 ...
single image
Uncategorized 唔睇無話題

消費券攻略|合法「套現」一招將$5000用到盡 自己友有另類選擇

電子消費券終於開始派錢,優惠多到眼花撩亂,好多朋友都唔知買咩好,我哋之前都推介過買手機之選,畀大家多個選擇。不過亦都有朋友研究,可唔可以套現呢? 網上流傳咗4個套現消費券的方法: 1.買現金券(包括超市現金券、點數卡等)再平少少賣返出去。 ...
single image
唔睇無話題 搞掂檔 每月焦點

Invoice、quotation、receipt template懶人包 內建formula自動計數、即時預覽 慳返整文件時間

各位自己友平時接Job成日要整invoice、quotation同埋receipt比客仔,白紙黑字寫清楚避免爭拗。如果下下都要自己由頭打一次,都幾浪費時間。以下介紹幾個出單、出收據用嘅範本網站,喺相應位置輸入返所需資料就整好,慳返大把「搞文件」既時間! 【1.Free Invoice ...
Load More