疫情差唔多持續左一年，健身室等設施亦都斷斷續續封閉了一段時間。唔少人都話留喺屋企冇動力做運動，但呢啲通通都唔係藉口！以下將會為大家介紹三個運動app，希望可以為大家重拾一個做運動嘅習慣。
1. Tone it up
呢個程式啱晒一啲屋企冇運動儀器嘅人，因為呢個程式主要集中於body weigh work out。即係冇高強度嘅動作，亦都唔需要任何道具。所以比較適合初學者或者工作繁忙嘅人。呢個程式仲可以為自己設計目標，從而加強做運動嘅動力！
2. 7 minutes workout
相信有留意開運動嘅人都一定會知道最近十分之流行短時間但係高強度嘅運動。如果有興趣嘅話不妨可以下載呢個程式，入面嘅運動都係比較高強度的。仲可以同其他朋友喺同一個時間做運動或者比賽！可以大大增加做運動嘅樂趣。
3. 5 minutes yoga
呢個程式啱晒平時工作繁忙嘅人，每日只要花5分鐘做一個瑜伽的姿勢，就已經可以改善身體的血液循環。所以真係冇藉口唔做運動啊！
不過做運動都係要量力而為，跟住個app做都要小心拉傷等等嘅情況。有專業嘅運動教練一齊做就更加好啦！
