平時就咁睇Netflix已經夠晒吸引，今次為大家介紹一套互動式節目《野外求生預埋你：動物狂奔》。由主持人貝爾Bear Grylls帶大家一齊冒險，挑戰唔同嘅難關，大家要幫主持人做選擇，創造出唔同嘅結局，考考大家野外求生嘅能力。
《野外求生預埋你》第一季喺2019年推出嘅時候已經大受歡迎，新一輯嘅故事講到野生動物逃出保護區，主持人貝爾一方面要搵返逃走嘅動物，另一方面又要確保附近嘅市民安全。
節目嘅劇情緊張刺激，拍攝取景都非常嚴格，為大家帶嚟非一般嘅視聽享受。每當主持人遇上難關嘅時候，大家要根據自己野外求生嘅知識，喺限時之內幫佢作出決定。每一個選擇都會改變劇情發展，夠晒刺激，好玩之餘又學到野！
