疫情令各地旅遊業受重創，日本設計中心免費開放咗由設計師大黑大悟指導設計嘅「EXPERIENCE JAPAN PICTOGRAMS」圖庫，宣傳日本文化。大家只要遵守佢哋嘅使用條款，就可以下載280個日本icon，作個人、商業、教學等用途。
今次嘅圖庫有成280個日本icon，主要係常用嘅幾何圖形、簡單線條。入到去可以按需要揀返分類，例如有著名旅遊地標東京鐵塔、浅草雷門、富士山、厳島神社，仲有歌舞伎、相撲等等歷史文化類。
撳入去就可以睇到icon嘅介紹，如果要下載就要填form，同意使用條款先。
開放圖庫係為咗宣傳日本旅遊特色，大家可能覺得冇幾可會用到日本景點圖，但呢度都有埋平時日常生活嘅標誌，好似係交通工具、食物、花草樹木等等，唔使怕唔啱用～
網站仲好貼心地介紹埋可以喺邊度用佢哋嘅素材。 
