各位自己友平日接咁多Freelance Job,有冇好好記錄一吓自己嘅收入同支出呢?如果想好好整理自己嘅財政狀況,可以試吓用「簡單記帳」App,㩒幾個制就可以記低自己嘅洗費,好方便㗎!
「簡單記帳」App主打漫畫風格,將記錄每筆收支變成有趣嘅習慣,吸引大家持之以恆咁樣記錄。
App內預設收入分類包括薪水、獎金、回饋、交易、股息、租金、投資及其他,如果有需要可以自己增加分類。
支出方面,有晚餐、午餐、點心、飲品、日用品、社交、化妝護膚品、食物、早餐、酒類、交通等選項,滿足大家日常支出需要。
App會為大家整理每月收入及支出嘅分佈,亦都可以查閱每筆收入及開支用喺咩地方。
更可以睇返自己嘅帳務報表,每月、半年、或者成年咁樣睇,App會顯示大家係每個唔同範疇所佔嘅支出或者收入有幾多,啱晒大家好好管理自己嘅財富!