近排一翻風，俾我捱到七勞八損既身體又唔聽話，傷風感冒，肩頸膀痛，咩都出哂黎。但病痛初起，手停口停既我又邊捨得洗幾舊水去睇醫生。唯有自己買啲成藥，自己對症下藥啦。
必理痛
傷風感冒，頭痛難當，必理痛絕對係你既救星，病症初起時食既效果就最好，而且唔會恰眼訓，翻緊工或搏殺中都可以食。
胃仙U
一隻公認療效好既胃藥，有時自己友接左隻job忙起上黎三餐不定時，搞到胃病翻發，呢個時候啪翻粒胃仙u，胃漲，胃酸過多等既問題都可以得到舒緩。
太和洞久咳丸
日夜咳嗽，咳到心口都痛既辛酸，我就相當有經驗。呢款止咳丸主要醫寒熱咳，傷風咳，小兒百日咳，老人咳…總之你噏得出既咳，通通都無問題。
保心安油
保心安油真係我既萬能藥，有時舟車勞動，暈船暈車，搽翻啲落太陽穴，感覺即刻無咁暈。而消低不良，屙嘔肚痛，我又會搽啲落個肚仔度，捽兩捽再抖下，隔一陣又會好啲。甚至蚊叮蟲咬，風濕腳痛都可以用，絕對係家家必備既良藥。
日本龍角散
龍角散簡直係喉嚨痛既救星，每次食完佢啲喉糖，我個喉嚨都會舒服好多。而佢重出左粉狀既龍角散，功能梗係好，但佢既難食程度…可以直登藥界勇者塔既榜首。
以後有咩病痛，記得買定以上既補給品俾自己，咁就慳返唔少醫藥費啦。但記得食唔好既話，一定要盡快睇醫生，唔係到頭來越拖越嚴重，咁就真係得不償失！
