Uncategorized

3間高質cafe推介好食又打卡 復古典雅、文青、簡約風

single image

週末想搵個地方去relax下打吓卡,食好嘢,小編準備咗三間精選cafe介紹俾大家。
1. TORIO喫茶部

相片來源:網上圖片

相片來源:網上圖片

黑松露煙三文魚忌廉意大利粉

小編一向鍾意食黑松露,所以私心推介呢款黑松露煙三文魚忌廉意大利粉。店員一放低意粉,散發出濃濃的黑松露香味! 意粉色香味俱全,口感彈牙,啱啱好!黑松露碎食落亦黑松露醬味濃,佢嘅份量好足料!至於煙三文魚份量都好足,淡淡都食到!口感軟熟配上黑松露醬同忌廉醬非常好味!

青咖喱飯配牛肋肉

另外要介紹嘅係呢個咖喱飯!個賣相已經非常吸引,可以影好多張相!估唔到佢又睇得又食得!牛肋肉煮得啱啱好,夠唒淋亦好入味,份量亦都啱啱好。咖喱甜中帶辣,係日式咖喱!對於唔係咁食得辣嘅朋友仔呢款咖喱唔錯。仲有配菜沙律好新鮮,青瓜爽口,同埋爽脆嘅哈密瓜!呢個配搭好fresh呀!

地址:觀塘興業街16-18號美興工業大廈A座1樓4室
營業時間:星期一全日休息, 星期二至六12:00 – 21:00, 星期日12:00 – 18:00

2. 蟲二Poach

跟住要介紹嘅就係呢間位於旺角樓上鋪cafe,佢有室內室外地方非常有feel!打卡點一流!

相片來源:網上圖片

相片來源:網上圖片

伯爵茶傳統班戟

相片來源:網上圖片

首先要介紹嘅係呢款伯爵茶傳統班戟,第一啖咬落去,嘩!勁香噴噴!熱辣辣!蛋味十足,而口感煙韌,滿滿伯爵茶的幽香,仲有芝士忌廉醬,多重口感!因為加上有脆片果仁同雲呢拿雪糕,一齊食落去,咸甜冷熱都齊,口感非常之豐富!班戟表面亦加上了新鮮雜果點綴,有提子、橘子、同香蕉,好清新呀!

一汁三菜

相片來源:網上圖片

另外要介紹嘅係一汁三菜,呢款個賣相都非常之好,今次揀咗新出的高野豆腐豆乳豚肉野菜卷配櫻花蝦,有好多櫻花蝦!食落去感覺好清甜帶點鹹,幾surprise! 味道上亦加咗唔少鮮味,再配合濃郁的高湯,豆腐及野菜卷等都吸引了高湯,增加了層次感,口感非常豐富!套餐亦配上開胃前菜三款,川味香菇、青瓜漬及柚子蓮藕片,酸酸甜甜非常開胃!

地址:旺角上海街618號頂樓

營業時間:11:00 – 22:00

3. Jouer

呢間cafe真係好隱世,雖然有少少難搵,但係一打開門超驚喜,裝修好靚!係復古典雅feel,建議如果想打卡,可以着得girly啲!同呢度嘅feel會襯啲!

相片來源:網上圖片

相片來源:網上圖片

Set一個蛋糕及兩杯飲品

相片來源:網上圖片

兩個女仔食呢個set啱啱好,份量唔會太少!小編揀咗朱古力蛋糕,chocolate mousse好濃朱古力味,香濃巧克力海綿蛋糕加上有奶香濃厚卻甜而不膩的奶油,令人一試難忘,想不停地食!蛋糕唔會太甜,甜味係上面嘅綿花糖同焦糖脆片。

呢個地方實在太舒服,有種與世隔絕嘅感覺!加上別緻的擺設裝飾,覺得自己身處於歐洲小屋,感覺好relax!

相片來源:網上圖片

地址:灣仔秀華坊 1 號地下

營業時間:星期一全日休息, 星期二至日 11:00 – 19:30

呢啲你都可能啱睇!

single image
再生銹既刀都有鋒利嘅一日

【Google Docs】格式化功能更新 支援一次選擇多段文本

Google Docs推出格式化功能更新,當涉及到正確格式化文檔時,可以減少繁瑣的工作。用家現在可以一次過選擇多個文本,並對所有選擇應用刪除、複製、粘貼或格式化等操作。透過減少重覆的步驟,使格式化和編輯文檔更快,從而提高整體生產力! 如果您有2個由標題分隔的句子,或想對整個段落中的3個不同單詞應用相同的效果,現在只需一次選擇所有文本並應用更改即可! ...
single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More