唔睇無話題

【菲林相機】4部百元級平價菲林相機推介 最啱新手入門用

single image

菲林相機影出嚟特別有味道,相比起用手機影,可以曬出嚟,同埋禁快門嘅快感真係不可言喻,所以越嚟越多人都對菲林相機有興趣,但係作為新手要練練手勢,一下子買成過千過萬嘅相機又真係太心痛。今次就為大家推介以下幾款百元平價菲林相機,作為入門機啦!

1. kodak m35

柯達買菲林就多,呢款菲林相機更加唔好錯過,事關佢外形夠晒吸睛,霧面糖果色:粉紅、湖水藍、粉嫩紫真係超少女心,男士都唔洗太擔心,仲有柯達嘅經典黃揀。m35自推出以嚟真係大受歡迎,因為佢細細一部自重輕,仲自帶閃光燈,助你光暗區域影相都唔怕,夠晒全面;呢款菲林相機最適合去影街景,背景色彩較濃,出嚟效果會靚啲。

2. Lomography simple use

本身lomography simple use係屬於即開即影嘅菲林相機,但呢個系列特別在於佢可以重新上片,即係再放一卷新嘅菲林去影,去旅行一卷菲林點夠影,帶多幾卷去呢款就啱啦。同樣自帶閃光燈,但lomography simple use呢個系列影出嚟彩度冇咁高,出嚟效果較似文青風,去影下大自然,陽光下嘅天空背景都超靚。

3. YASHICA mf-1

呢個品牌大家比較少聽,佢係一間歷史悠久嘅日本老牌相機廠。所以佢出嚟相機都唔差得去邊,介紹比大家嘅呢款mf-1係同上面一樣主打隨影隨拍,都係一部有齊基本功能嘅相機,仲要有齊10款機身顏色,影出嚟嘅感覺偏黃,影黃葉紅磚就更突顯味道。

4. 二手菲林相機

其實而家上一啲平台或者店都有出售二手嘅菲林相機,價錢都係百元價位,值得考慮,不過二手的話買前就要考慮機能性啦,推介Olympus、Lumix同Kodak嘅二手菲林相機都仲係有價有市同多人選擇,以供大家參考下買咩牌子。

呢啲你都可能啱睇!

single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
single image
搞掂檔 黃店有話兒

【黃店系列】6間港島黃店火鍋 懷舊、宮廷風、台灣火鍋店最吸引(12/2021更新)

秋意濃厚,打邊爐慾望指數上升,岀街食飯多數都要打下邊爐暖下身,相約飯腳圍爐是必須吧! 珍姐海鮮火鍋飯店(中環) 鋪仔細細室內裝修以懷舊主題,好似以前大排檔咁。店子已為顧客選取了最優質牛肉,主打手切及外國牛肉,食材好有驚喜十分新鮮。 ...
single image
再生銹既刀都有鋒利嘅一日

【配色指南】4個日系實用配色網站推介!日本自然風景基調人人都啱睇

日系配色用喺各種設計上真係有種說不出嘅舒服美感,零違和感之餘人人都覺得好睇,以下4個來自日本嘅配色網站就幫你揀到心水日系色調! 1. PHOTOSHOPVIP 本身係個分享設計資訊嘅網站,曾經整理咗各種日本47個都道府縣靚景嘅配色方案,對於一啲想用和風大自然色調放落設計最啱! ...
single image
再生銹既刀都有鋒利嘅一日 搞掂檔

【自己友搵工】Google招募新政策 薪酬講價要有證明!

自己友重投求職市場嘅最後階段,必然係談論薪酬待遇,好多人講價都會拋下話另一offer提出嘅人工高啲去講價。但呢招未必再奏效了,事關科技巨頭Google近日話要俾到證明先有得傾! 外國雜誌《Business Insider》報道國際科技巨頭Google近日有項新招募政策,就係求職者如果想以「另一工作機會薪酬更優渥」而要求Google提高招聘薪金,就必須提供相關文件或截圖證明,證明佢地真係有offer,先有得討論新嘅薪酬方案。 ...
Load More