玩夠一次性嘅菲林相機,買咗部正經嘅菲林相機,冇咗一次性菲林相機嘅設定,自由度又會再增加,就係可以因應自己需要去買返啱場景或者你心水嘅菲林卷,以下就同大家分享熱門菲林卷嘅特性啦!
1. Kodak 200
個名都寫明啦,感光度200 ,所以佢嘅顏色色差細,畫面感嘅顆粒會大,而色調係偏暖,影人的話,個膚色表現好好,最適合影人像同戶外晴天嘅時候影。
2. Kodak Gold
相比起Kodak 200 ,Gold嘅色彩表現就再濃烈好多,成張相嘅顏色更豐富,同樣顏色鮮豔反差細,但個畫面嘅顆粒感就細膩好多,陽光定落雨都可以,影物件或者建築物效果都唔錯。
3. Kodak UltraMAX
呢款感光度400 ,亦係筆者去旅行最常用嘅菲林,因為佢係日光下表現出色,色彩還原度高而出嚟效果有電影感,只要你配備嘅相機有閃光燈,有閃光燈嘅補助下,光線較弱嘅地方都用到,同時陽光定陰天用都得,日常隨拍,紀錄生活就最啱。
4. FUJI C200
FUJI嘅菲林都係文青們鍾意用,因為都係偏淡同冷色。而C 200行日系小清新,拍人像嘅時候最好就順光去拍,有陽光嘅地方影出嚟表現力強。
5. FUJI 100
呢款比上面個款色調再淡啲,顏色都係偏淡嘅青色,乾淨嘅背景同白色物件或者白色衫,影出嚟日系清新感都會level up。
揀好菲林都只係影靚相嘅第一步,仲要配合當時拍攝嘅光線焦距等,先成就一張靚相,要多練習就能領略出菲林相嘅美好同珍貴。