因為疫情關係大家都冇得去旅行，反而多咗去露營！享受大自然，遠離鬧市生活。的確露營真係幾放鬆嘅！今次小編要介紹赤徑呢個露營點俾大家，未去過嘅朋友仔可以跟着我輕鬆去！
赤徑位處西貢東，屬於西貢北約嘅42條村之一，亦有赤涇之名。無論是前往蚺蛇尖、鹹田灣及長咀等地，或由此處前往北潭凹及黃石，赤徑已成為遠足人士的大休處及中轉站！每逢假期都會吸引唔少朋友仔，一家大細同情侶們去露營！
相片來源：網上圖片
赤徑交通
1. 可以選擇去西貢市中心乘搭7號專線小巴或者巴士94/96R到北潭凹下車。
2. 如果搭船可以在黃石碼頭乘船直接到赤徑。（可以預先call船家，或者去到等船家駛入來黃石碼頭）
3. 如果走路，可以在北潭凹出發，走20-30分鐘到達營地。
4. 去到西貢市中心乘搭的士入黃石碼頭，然後再乘搭船去赤徑（小編揀咗呢個方法！因為最直接又輕鬆地去到目的地）
相片來源：網上圖片
相片來源：網上圖片
相片來源：網上圖片
假日赤徑都好多人！幾乎爆滿！大家要預早去到霸位呀！
相片來源：網上圖片
赤徑有洗手間同水源提供。附近亦都有青年旅社供旅人入住。
有咩要注意呢？
1. 盡量把垃圾帶到山下扔掉，小編通常會將垃圾帶到黃石碼頭的垃圾站，落船就會見到！
2. 因為赤徑都會有機會到牛隻同野豬！大家記住保持冷靜唔好餵食，亦唔好攻擊佢哋呀！
希望大家可以享受露營生活，遠離繁囂，過一個充實嘅假期！
