有無曾幾何時，懷疑過自己係低能既？放心，我絕對唔係針對你，我係話在座既咁多位，都可能有咁懷疑過自己。唔係既話，點解做野成日甩甩漏漏，記性又差？放心，在下都曾經耗盡心力去研究自己既退化問題，結果發現自己只係無腦姐。而無腦呢，又同你既日常生活有莫大既關係。只要改善好生活習慣，人人都可以好似在下咁重拾返自信。
做運動
你數下，你究竟幾耐無去郁下你身肥肉？運動可以令超過20%既血同氧份帶返上你個腦度，情況就似幫屋企打開窗咁，比個腦吸下新鮮空氣。長此下去你個腦就可以保持清醒，轉數都快啲。
玩遊戲
睇到呢到，你肯定話你成日打機點解都無用？講得出呢句都證明左你既腦力明顯出事啦。就算玩都要識揀黎玩，益智既遊戲可以訓練你既思考力同集中力，例如crossword, Soduku（aka數獨）呢類遊戲。至於你啲課金手機game，收埋佢啦唔該。
瞓覺
其實瞓覺絕對係一門高深學問，你人生有三分一既時間都瞓緊覺，如果長期瞓得唔好，對你既腦力同精神狀況都帶有直接影響。所以要提升腦力，一定要保持良好既睡眠質素。夜晚瞓前可以食啲小食，飲杯熱牛奶，減少半夜餓醒瞓唔返既狀況。而且盡量唔好飲咁多水啦，搞到晚晚屙夜尿就唔好啦。
相信我，只要每日持之以恆去改善你既生活習慣，將你既腦力瘋狂開發，人類未來既進化史由你開始！
