醫飽個肚 黃店有話兒

【黃店系列】3間人氣熱狗店 拉絲芝士、本地食材、復古裝修吸引力十足

single image
  1. 齊柏林熱狗 (Zeppelin Hot Dog Shop)

齊柏林係本地熱狗品牌,十分受港人歡迎。相信大家對佢都唔陌生,因為佢哋係全港有31間分店,遍佈港九新界多個地區,所以大家行街嘅時候應該都有見過。店舖包括灣仔、旺角、屯門、將軍澳。

佢哋以親民的價格,提供多款超足料熱狗和小食。招牌熱狗就係火灸芝士辣肉醬熱狗。有一大原塊芝士鋪喺熱狗上,再用火槍火炙熱溶~ 相信咬落去嘅時候可以將熱溶芝士拉絲!仲有大量肉醬加埋秘製辣汁,味蕾十分感受到層次感!想到附近掃街嘅自己友一定不能錯過!
地址 (分店之一)

荃灣鱟地坊80-84號士林食街B7舖

營業時間 

星期一至日 12:30 – 22:00

(Photo from Openrice)

2. Bulldog Hotdog

總店位於大埔嘅外賣熱狗良心小店,已經擁有六間分店遍佈港島及新界。分店包括上環、銅鑼灣、天后、灣仔。而大埔仲有兩間分店,總有一間係你附近~ 得閒行街一定要幫襯下良心小店!

佢哋長期有好多人排隊,因為店員態度好好,食物質素又高。熱狗更係以價格親民同大件夾抵食吸引咗一大班熱狗愛好者。店主開業以來堅持使用本地食材,少量會是外國進口貨,如澳洲牛肉、美國安格斯牛肉碎等,拒絕使用內地食材。

招牌熱非常大份, 麵包有脆邊襯埋酸忌廉真係一流。外皮脆口既腸仔配埋辣牛肉碎、墨西哥脆脆、芝士,呢個組合吸引咗唔少人再來回購!

地址

大埔廣福道60-62號地下C舖

營業時間 

星期一至四, 日 12:00 – 00:00 

星期五至六 12:00 – 02:00

(Photo from Openrice)

3. 德國熱狗 Hot Dog Link 

位於何文田、尖沙咀嘅德國菜快餐店。餐廳裝修環境好有復古嘅感覺,而佢地主打外賣。高級食物質素 同 良好服務態度係店舖做左二十八年最引以為傲既堅持,佢哋希望以人情味法因為發揚獅子山下創業既精神!香港人們經過一定要試吓店舖嘅熱狗,感受下佢哋溫暖嘅人情味。德國熱狗嘅香腸每日新鮮製造,而香腸嘅工廠由德國人開設,供應10幾款少見嘅香腸!而佢地嘅係搵本地麵包店作為供應,真·本地小店!

地址

九龍窩打老道67D號地下

九龍尖沙咀亞士厘道十八號地鋪

營業時間 

星期一至日 11:30 – 20:30

(Photo from Openrice)

呢啲你都可能啱睇!

single image
醫飽個肚 體能錢能轉換器 黃店有話兒

【黃店系列】唔想用安心出行? 2大黃店外賣APP 商戶遍佈全港 積分可用落其他黃店

唔想下下都用安心出行?不妨試下叫外賣啦!唔想益袋鼠熊貓,又想支持本土小店,呢2個外賣平台大家就一定要用喇! Shopper 夠哂全面一站式,有得嗌外賣之餘仲有得網購雜貨、Book枱食飯同做facial~成百幾間加盟嘅熱門黃色食肆遍佈全港,光榮冰室、心之食堂、齊柏林熱狗、花斑茶社等等應有盡有。你可以揀送遞定自取,暫時只支援Apple ...
single image
搞掂檔

【聖誕節】3個免費聖誕音效網站 拍片接job最後衝刺

踏入12月,又可以倒數聖誕節啦!今次想為大家介紹三個免費嘅聖誕音效網站,呢啲音效涵蓋晒聖誕節可能會聽到嘅聲音!例如聖誕歌、家庭聚會的談話聲,甚至聖誕老人「Ho-Ho-Ho」嘅聲都有!啱晒用嚟剪一啲有關聖誕節嘅廣告或者宣傳片! 1.pikbest 呢一個網站有唔同版本嘅聖誕歌。例如有管弦樂版本、浪漫韓國風格、爵士樂版本等等!總有一首啱你心水! ...
Load More